1 Myghternedh 2:3 - An Bibel Kernewek 20234 (Kernewek Kemmyn)

³ ha gwith charj an Arloedh dha Dhuw, dhe gerdhes yn y fordhow, dhe witha y ordenansow, y worhemmynnow, y vreusow, ha'y dhustuniow, dell yw skrifys yn lagha Moyses, may hylli seweni yn pup-tra a wredh, ha plepynag may treylydh;

1 Myghternedh 2:3 Iomraidhean Croise

2 Samuel 8:14

Ev a settyas savleow-gwithysi yn Edom; der oll Edom ev a settyas savleow-gwithysi, hag oll Edom eth ha bos gwesyon dhe Davydh. Ha'n Arloedh a ros trygh dhe Davydh plepynag yth e.

2 Samuel 8:6

Ena Davydh a settyas savleow-goelyadoryon yn Aram Damaskus; hag Aram eth ha bos gostydh dhe Davydh, or tri trubyt. Yth esa an Arloedh ow ri trygh dhe Davydh plepynag yth e.

1 Myghternedh 3:3

Solomon a garas an Arloedh, ow kerdhes yn ordenansow Davydh y das: saw y hwre ev ladha ha leski sakrifisow y'n tylleryow ughel.

2 Myghternedh 18:7

Yth esa an Arloedh ganso; ev a sewenis yn pup-tra a omgemmeras. Ev a rebellyas erbynn myghtern Assyria, ha ny'n servyas.

1 Kroniklys 29:19

Gront dhe Solomon ow mab kolonn berfydh dhe witha dha worhemmynnow, dha dhustuniow ha'th ordenansow, dhe wul pup-tra, ha dhe dhrehevel an palys, a wrugavy y dharbari.’

Salmow 119:111

My re gemmeras dha dhustuniow yn ertach bys vykken, rag lowena ow holonn yns i.

Salmow 119:138

Ty re worhemmynnis dha dhustuniow yn ewnder, ha len dres eghenn yns i.

Salmow 119:2

Gwynnvys an re a with y dhustuniow, hag a'n hwila ev a leun golonn;

Salmow 19:7

Lagha an Arloedh yw perfydh, ow kul dhe'n enev dasvewa; dustuniow an Arloedh yw sur, ow ri furneth dhe'n re sempel.

Ekklesiastes 12:13

Diwedh an mater, wosa klewes pup-tra, yw hemma: Porth own a Dhuw, ha gwith y worhemmynnow, drefenn bos hemma dever pub den oll.

Levitikus 8:35

Ytho hwi a drig orth daras tylda an kuntelles dydh ha nos dres seyth dydh, hag gwitha charj an Arloedh ma na verwowgh, rag yndella yth yw erghys dhymm.’

Malaki 4:4

Perthewgh kov a lagha ow gwas Moyses, an ordenansow ha'n breusow a erghis vy dhodho war Horeb rag oll Ysrael.

Dewteronomi 29:8

Ni a gemmeras aga thir ha'y ri avel eretons rag an Rewbenysi, rag an Gadysi, ha rag hanter-loeth Manasse.

Dewteronomi 29:9

Gwithewgh geryow an kevambos ma ha'ga gul, rag may sewennowgh yn pup-tra a wrewgh.

Dewteronomi 4:1

Lemmyn, Ysrael, goslow an ordenansow ha'n breusow esov ow tyski dhywgh dhe wul, rag may fewowgh ha dos hag erita an tir usi an Arloedh Duw agas tasow ow ri dhywgh.

Dewteronomi 4:45

An re ma yw an dustuniow, ha'n ordenansow, ha'n breusow a gewsis Moyses dhe vebyon Ysrael, pan dheuthons yn-mes a Ejyp,

Dewteronomi 4:5

Mir, my re dhyskas dhywgh ordenansow ha breusow kepar dell worhemmynnis dhymm an Arloedh ow Duw, rag may hwryllowgh yndella.

Dewteronomi 4:8

Ha pana genedhel vras a's teves ordenansow ha breusow gwiryon kepar ha'n lagha ma esov ow settya a-ragowgh hedhyw?

Dewteronomi 5:1

Moyses a elwis dhe oll Ysrael ha leverel dhedha: Klew, A Ysrael, an ordenansow ha'n breusow esov ow kewsel yn agas diwskovarn hedhyw, rag ma's dyskowgh, ha'ga gwitha, ha'ga gul.

Yoshua 22:5

Mes gwaytyewgh gwitha gans rach an gorhemmynn ha'n lagha a worhemmynnis Moyses gwas an Arloedh dhywgh: kara an Arloedh agas Duw, kerdhes yn oll y fordhow, gwitha y worhemmynnow, ha glena dhodho, ha'y servya gans oll agas kolonn hag gans oll agas enev.’

Yoshua 23:6

Ytho bedhewgh pur grev, ha gwaytyewgh gul pup-tra yw skrifys yn lyver lagha Moyses, heb treylya a-denewen naneyl dhe'n barth dhyghow na dhe'n barth kledh.

1 Samuel 18:14

Yth esa sewena dhe Davydh yn oll y oberow; rag yth esa an Arloedh ganso.

1 Samuel 18:30

Ena pennhembrenkysi an Filistysi a dheuth yn-mes dhe vatalyas; ha peskweyth may hwrens i dos yn-mes, Davydh a seweni moy ages oll gwesyon Sowl, may teuth ha bos y ger-da pur vras.

1 Samuel 18:5

Davydh eth yn-mes hag yn pub le ma'n dannvonas Sowl, ev a sewenis; rakhemma, Sowl a'n settyas war an lu. Ha hemm o da yn golok an bobel oll, hag ynwedh yn golok gwesyon Sowl.