1 Myghternedh 11:3 - An Bibel Kernewek 20234 (Kernewek Kemmyn)

³ Yn mysk y wragedh yth esa seyth kans pennseviges ha tri hans iswreg; ha'y wragedh a dreylyas dhe-ves y golonn.

1 Myghternedh 11:3 Iomraidhean Croise

2 Kroniklys 11:21

Rehoboam a gara Maaka myrgh Absalom moy es dell gara ev y wragedh erell ha'y iswragedh. Ev a'n jevo etek gwreg ha tri-ugens iswreg, hag ev a dhineythis eth mab warn ugens ha tri-ugens myrgh.

Ester 1:18

Ha'n keth jydh ma, pennsevigesow Persia ha Media, neb re glewas a fara an vyghternes, a venek hemma erbynn oll pennsevigyon an myghtern. Ytho, y fydh kals a vismer hag a gonnar.

Ekklesiastes 2:8

my a vernyas hag arghans hag owr ragov vy ow honan, ha tresor a vyghternedh ha ranndiryow; my a gavas ragov vy ow honan kanoryon ha kanoresow, war-barth ha'n pyth a re delit dhe vebyon den – harim a iswragedh teg.

Ekklesiastes 7:28

Re beu ow enev orth y hwilas, ha ny'n kevis vy. Unn den yn mysk mil re gevis, mes benyn y'n oll an re ma ny gevis mann.

An Gan a Ganow 6:8

Yma tri-ugens myghternes ha peswar-ugens iswreg, ha gwyrghesow heb niver.

An Gan a Ganow 6:9

Onan yw ow holommenn, ow benyn berfydh; an unn vyrgh yw hi dh'y mamm, heb namm dhe neb a's omdhuk. Myrghes a's gwelas ha keslowenhe gensi, myghternesow hag iswragedh a's gormolas.

Dewteronomi 17:17

Na vedhes dhodho y honan benynes pals, ma na dreyl y golonn a-denewen; na kavoes dhodho y honan meur a arghans hag owr.

Breusysi 3:6

hag i a gemmeri aga myrghes rag aga gwragedh, ha'ga myrghes a rens dh'aga mebyon; hag i a wordhyens aga duwow.

Breusysi 9:5

Ev eth dhe ji y das yn Ofra hag a ladhas y vreder mebyon Yerubbaal, deg gour ha tri-ugens war unn men. Mes Yotham mab Yerubbaal, an yowynka, a veu gesys, rag ev a omgudhas.