1 Myghternedh 11:2 - An Bibel Kernewek 20234 (Kernewek Kemmyn)

² a genedhlow may leveris an Arloedh anedha dhe'n Ysraelysi, ‘Nyns ewgh yn priosoleth gansa, na nyns ons yn priosoleth genowgh; rag yn sertan i a dreyl dhe-ves agas kolonn dhe holya aga duwow’. Mes Solomon a lenas orth an re ma yn kerensa.

1 Myghternedh 11:2 Iomraidhean Croise

Jenesis 2:24

Ytho gour a vynn gasa y das ha'y vamm ha glena orth y wreg hag i a vydh unn kig.

Jenesis 34:3

Ha'y enev a lenas orth Dina, myrgh Yakob, hag ev a garas an vowes ha kewsel yn kuv dhe'n vowes.

1 Myghternedh 11:9

Ena an Arloedh o serrys orth Solomon drefenn y golonn dhe dreylya dhe-ves a'n Arloedh, Duw Ysrael, re omdhiskwedhsa dhodho diwweyth,

2 Kroniklys 19:2

Yehu mab Hanani an gwelesydh eth dhe vetya ganso hag a leveris dhe vyghtern Yehoshafat, ‘Yw da ty dhe weres an tebelwas ha kara an re hag a gas an Arloedh? Rag henna sorr a dheu warnas dhiworth an Arloedh.

2 Kroniklys 21:6

Ev a gerdhas yn fordh myghternedh Ysrael, par dell wrussa chi Ahab; rag myrgh Ahab o y wreg. Ev a wrug an pyth o drog yn golok an Arloedh.

Ezra 9:12

Lemmyn ytho na rewgh agas myrghes dh'aga mebyon, ha na gemmerewgh aga myrghes dh'agas mebyon. Nevra na hwilewgh kevambos kres gansa, may fowgh krev, ha dybri dader an tir, ha'y asa dh'agas fleghes avel eretons bynitha.”

Salmow 139:21

A ny's kasav, A Arloedh, neb a'th kas jy? A ny'm beus keudh drefenn an re a sev er dha bynn?

Eksodus 23:31

Ha my a wra settya dha oryon a'n Mor Rudh dhe vor an Filistysi, hag a'n gwylvos dhe'n Ewfrates; rag my a re annedhysi an tir yn agas dorn, ha ty a wra aga fesya a-ragos.

Eksodus 34:12

Kemmer with ma na wrylli kevambos gans annedhysi an vro mayth esos ow mones, ma na dheffo ha bos antell yn agas mysk.

Eksodus 34:16

ha ty a gemmer a'ga myrghes dhe'th vebyon, ha'ga myrghes a wra horya war-lergh aga duwow ha gul dhe'th vebyon horya war-lergh aga duwow.

Malaki 2:11

Yuda re beu dislen, ha neppyth kasadow re beu gwrys yn Ysrael ha Yerusalem: rag Yuda re dhisakras an sentri a wra an Arloedh y gara, ha re dhemmedhis an vyrgh a dhuw astranj.

Romanyon 1:32

Kyn hwodhons ordenans Duw may tegoedh an mernans dhe'n re a wra taklow a'n par ma, ny's gwrons yn unnsel mes plegadow gansa yw an re a's gwra.

Romanyon 12:9

Gwres kerensa bos gwiryon; kesewgh an drog, glenewgh orth an da;

1 Korinthianys 15:33

Na vedhewgh toellys: ‘Drok-keskowethyans a shynd norter da.’

Diskwedhyans 2:4

Byttegyns yma genev neppyth er dha bynn: ty re asas dha gerensa, kepar dell vedha wostalleth.