1 Myghternedh 10:2 - An Bibel Kernewek 20234 (Kernewek Kemmyn)

² Hi a dheuth dhe Yerusalem gans koskordh pur veur, gans kowrvergh ow toen spisyow, ha meur a owr, ha gemmow drudh; ha pan dheuth hi dhe Solomon hi a leveris dhodho pup-tra esa yn hy brys.

1 Myghternedh 10:2 Iomraidhean Croise

Jenesis 18:33

Ha'n Arloedh eth yn-kerdh kettell wrussa astel kewsel dhe Abraham, hag Abraham eth arta dh'y dyller.

1 Myghternedh 10:10

Ena hi a ros dhe'n myghtern hwegh-ugens talent a owr, myns meur a spisyow, ha gemmweyth drudh; bythkweth arta ny dheuth an spisyow yn kemmys palster ages an pyth a ros myghternes Sheba dhe vyghtern Solomon.

1 Myghternedh 10:3

Solomon a worthybis dhe beub a'y govynnow; nyns esa travyth kudhys a'n myghtern na wodhya displegya dhedhi.

2 Myghternedh 20:13

Hezekia a's wolkommas, ha diskwedhes dhedha oll y dresorva, an arghans, an owr, an spisyow, an oyl drudh, y arvji, pup-tra a veu kevys yn y withvaow; nyns esa travyth yn y ji po yn y wlaskor oll na dhiskwedhas Hezekia dhedha.

2 Myghternedh 5:5

Myghtern Aram a leveris, ‘Ke yn-rag ha my a dhannvon lyther dhe vyghtern Ysrael.’ Naaman a dhibarthas ha kemmeres ganso deg talent a arghans, ha hwegh mil shekel ha deg chanj a dhillas.

2 Myghternedh 5:9

Ytho Naaman a dheuth gans y vergh ha gans y jarettow, ha gortos orth daras chi Elisha.

Job 4:2

‘Mar pedhav kewsel orthis, a vydhydh sklandrys? Mes piw a yll omwitha rag kewsel?

Salmow 4:4

Krenewgh, ha na beghewgh; kewsewgh yn agas kolonn war agas gweli, ha bedhewgh tawesek. Sela.

Salmow 72:10

Re dhrollo myghternedh Tarshish ha'n ynysow trubyt; ha myghternedh Sheba ha Seba dri rohow.

Eksodus 25:6

oyl dhe'n lugern, spisyow rag oyl an untyans ha'n ynkys hweg,

Ysay 30:6

Profoesans a-dro dhe vestes an Negeb. Dre dir a ahwer hag angoes, a lewes hag a lew owth usa, a nader ha sarf askellek, i a dheg aga rychys war skoedh asenes, ha'ga thresoryow war geyn kowrvergh, dhe bobel nag yw dhe les.

Ezekiel 27:22

Marchons a Sheba ha Raama o dha varchons; an gwella spisyow hag oll meyn drudh hag owr a rens yn keschanj rag dha wara.

Luk 24:15

Hag y hwarva, pan esens ow keskewsel hag ow tadhla, Yesu y honan a dheuth nes ha kerdhes gansa,

Oberow 25:23

Rakhenna ternos Agrippa ha Bernike a dheuth, meur aga ryelder, ha pan entersens y'n vreuslys, gans an tribunyon ha gwelhevin an sita, Festus a worhemmynnis ha Powl a veu dres.