1 Myghternedh 1:5 - An Bibel Kernewek 20234 (Kernewek Kemmyn)

⁵ Adoniya mab Haggith a omdhrehevis, ow leverel, ‘My a vydh myghtern’: hag ev a bareusis ragdho charettow ha marghogyon, ha deg korfwithyas ha dew-ugens rag poenya a-ragdho.

1 Myghternedh 1:5 Iomraidhean Croise

2 Samuel 15:1

Wosa hemma Absalom a gavas ragdho y honan charett ha mergh, ha hanter-kans korfwithyas dhe boenya a-ragdho.

2 Samuel 3:4

ha'n peswora, Adoniya mab Haggith; ha'n pympes, Shefatia mab Abital;

1 Myghternedh 1:11

Ena Nathan a leveris dhe Bathsheba mamm Solomon, ‘A ny glewsys Adoniya mab Haggith dhe reynya, ha ny woer henna Davydh agan arloedh?

1 Myghternedh 1:4

An vowes o pur deg, ha hi a veu gwithyades dhe'n myghtern, ha menystra dhodho: mes ny wrug an myghtern hy aswonn.

1 Myghternedh 2:13

Ena Adoniya mab Haggith a dheuth dhe Bathsheba mamm Solomon. Ha hi a leveris, ‘A wre'ta dos yn kres?’ Yn-medh ev, ‘Yn kres.’

1 Myghternedh 2:15

Yn-medh ev, ‘Ty a woer y feu an wlaskor dhymm, hag oll Ysrael a settyas aga fas warnav dhe reynya. Mes an wlaskor re beu treylys a-dro, ha res eth dhe'm broder, rag y feu dhodho dhiworth an Arloedh.

1 Myghternedh 2:24

Lemmyn ytho, dell vew an Arloedh, neb a'm fastyas ha'm settya war dron ow thas, ha neb a wrug chi ragov dell ambosas, Adoniya a vydh gorrys dhe'n mernans hedhyw.’

1 Kroniklys 28:5

A oll ow mebyon (rag Arloedh re ros dhymm lies mab) ev re dhewisas Solomon ow mab dhe esedha war dron myghterneth an Arloedh war Ysrael.

1 Kroniklys 29:1

Davydh an myghtern a leveris dhe oll an kuntelles, ‘Solomon ow mab, onan dewisys gans Duw, yw yowynk ha heb prevyans. An ober yw meur; rag ny vydh an palys rag mab-den mes rag an Arloedh Duw.

1 Kroniklys 3:2

an tressa, Absalom mab Maaka myrgh Talmay myghtern Geshur; an peswora, Adoniya mab Haggith;

Eksodus 9:17

Hwath yth omughelhydh erbynn ow fobel, ha ny's gesydh dhe vones.

Lavarow Koth 16:18

Goeth a dheu kyns distruyans, ha spyrys howtyn kyns koedh.

Lavarow Koth 18:12

Kyns droglamm, kolonn gour yw goethus, mes uvelder a a-rag enor.

Ysay 2:7

Y wlas yw lenwys a arghans hag owr, ha nyns eus diwedh dh'y dresoryow. Y wlas yw lenwys a vergh; ha nyns eus diwedh dh'y jarettow.

Luk 14:11

Rag peub neb a omughelha a vydh dres isel, ha neb a omiselha a vydh ughelhes.’

Luk 18:14

My a lever dhywgh, an den ma a dhehwelis tre justifiys, a-der an den arall; rag peub a omughelha a vydh dres isel, mes neb a omiselha a vydh ughelhes.’

Breusysi 9:2

‘Leverewgh yn diwskovarn arlydhi Shekem, “Pyneyl yw gwell ragowgh, an deg ha tri-ugens a vebyon Yerubbaal dhe reynya warnowgh po onan dhe reynya warnowgh?” Perthewgh kov ynwedh my dhe vos agas askorn ha'gas kig.’