1 Myghternedh 1:2 - An Bibel Kernewek 20234 (Kernewek Kemmyn)

² Y wesyon a leveris dhodho, ‘Bedhes gwyrghes yowynk hwilys rag ow arloedh an myghtern; ha gas hi dhe sevel a-rag an myghtern ha bos gwithyadores; ha gas hi dhe wrowedha y'th askra, may kaffo ow arloedh an myghtern toemmder.’

1 Myghternedh 1:2 Iomraidhean Croise

Jenesis 16:5

Hag yn-medh Saray dhe Abram, ‘Re wrello an drog gwrys er ow fynn koedha warnas tejy. My a ros ow maghteth a-bervedh y'th askra ha pan welas hi y hwrug hi konsevya, dispresys veuv yn hy dewlagas. Re bo an Arloedh breusyas yntra my ha ty.’

2 Samuel 12:3

mes nyns esa dhe'n boghosek travyth marnas unn oenes vyghan, re brensa. Ev a's magas, ha hi a devis ganso ha gans y fleghes; hi a dhybri a'y bastell, hag eva a'y hanaf, ha growedha yn y askra, ha hi o kepar ha myrgh dhodho.

1 Myghternedh 1:1

Myghtern Davydh o gyllys koth yn y dhydhyow; hag i a'n kudhas gans dillasow, mes ny ylli omdoemma.

1 Myghternedh 1:3

I a hwilas mowes teg ytho der oll pow Ysrael, ha kavoes Abishag an Shunammyades, hag i a's dros dhe'n myghtern.

2 Kroniklys 29:11

Ow mebyon, na vedhewgh logh lemmyn, rag an Arloedh re'gas dewisas dhe sevel a-ragdho ha'y servya, ha dhe vos y venystoryon, ha dhe leski offrynnow dhodho.’

Ester 2:2

Ena yn-medh gwesyon an myghtern esa orth y servya, ‘Re bo gwyrghesow yowynk ha teg hwilys rag an myghtern;

Ekklesiastes 4:11

Ynwedh, mar krowedh dew dhen war-barth, y's teves toemmder, mes fatell yll unn den kavoes toemmder?

Mika 7:5

Na drest yn koweth, na fydh yn kothman; gwith porthow dha anow a'n venyn a bowes war dha askra;

Dewteronomi 10:8

Y'n termyn na an Arloedh a dhibarthas loeth Levi dhe dhegi argh kevambos an Arloedh, dhe sevel a-rag an Arloedh dh'y servya ha dhe venniga yn y hanow bys y'n jydh hedhyw.

Dewteronomi 13:6

Mara'th tynnyo yn-dann gel dha vroder, mab dha vamm, po dha vab, po dha vyrgh, po gwreg dha askra, po dha gothman yw kepar ha'th enev dha honan, ow leverel, ‘Deun ha servyn duwow erell’, na aswonnsys jy na'th tasow,