1 Myghternedh 1:12 - An Bibel Kernewek 20234 (Kernewek Kemmyn)

¹² Lemmyn ytho deus, gas my dhe ri dhis kusul, may hylli sawya dha vewnans dha honan, ha bewnans dha vab Solomon.

1 Myghternedh 1:12 Iomraidhean Croise

Oberow 27:31

Powl a leveris dhe'n penn-kangour ha dhe'n soudoryon, ‘Marnas an re ma a worta y'n gorhel ny yllowgh hwi bos sawys.’

Matthew 21:38

Mes an diogyon, pan welsons an mab a leveris an eyl dh'y gila, “Hemm yw an her; dewgh, gwren ni y ladha ha kavoes y ertach!”

Yeremia 38:15

Ena Yeremia a leveris dhe Sedekia, ‘Mara'n lavarav dhis, a ny'm gorrav dhe'n mernans? Ha mar rov dhis kusul, ny woslewydh orthiv.’

Lavarow Koth 27:9

Melyseth ha frankynkys a wra an golonn lowen, mes an enev yw terrys dhe demmyn gans govisyon.

Lavarow Koth 20:18

Towlow yw fondys dre gusul; gwra gwerrya dre gevarwoedhyans fur.

Lavarow Koth 15:22

Heb kusul towlow a dheu dhe vann, mes gans kusulyoryon bals i a sewen.

Lavarow Koth 11:14

Yn tyller ma nag eus gidyans, an bobel a fyll, mes yn palster a gonseloryon yma sawder.

2 Kroniklys 22:10

Pan wodhva Athalia, mamm Ahazia bos hy mab marow, hi a dhallathas distrui oll has ryel chi Yuda.

2 Kroniklys 21:4

Wosa Yehoram dhe yskynna dhe dron y das ha bos fastys ynno, ev a ladhas oll y vreder gans an kledha, hag ynwedh re a bennsevigyon Ysrael.

2 Myghternedh 11:1

Kettell welas Athalia mamm Ahazia bos marow hy mab, hi a sevis ha distrui oll an teylu ryel.

1 Myghternedh 1:21

Poken y hwyrvydh, pan gosk ow arloedh an myghtern gans y dasow, my ha'm mab Solomon dhe vos reknys avel drogoberoryon.’

Breusysi 9:5

Ev eth dhe ji y das yn Ofra hag a ladhas y vreder mebyon Yerubbaal, deg gour ha tri-ugens war unn men. Mes Yotham mab Yerubbaal, an yowynka, a veu gesys, rag ev a omgudhas.

Jenesis 19:17

Ha pan wrussens aga dri yn-mes, yn-medhons, ‘Fi rag dha vewnans. Na wra mires a-dryv dhis, na gortos le vyth y'n plen a-dro; fi dhe'n menydh ma na vi diswrys.’

1 Myghternedh 1:13

Ke ha mos a-ji dhe'n myghtern Davydh ha lavar dhodho, “Ow arloedh an myghtern, a ny desys dhe'th vaghteth ow leverel: Solomon dha vab a reyn war ow lergh, hag ev a wra esedha war ow thron? Prag y reyn Adoniya ytho?”