1 Kroniklys 3:2 - An Bibel Kernewek 20234 (Kernewek Kemmyn)

² an tressa, Absalom mab Maaka myrgh Talmay myghtern Geshur; an peswora, Adoniya mab Haggith;

1 Kroniklys 3:2 Iomraidhean Croise

2 Samuel 13:1

Wosa henna, yth esa dhe Absalom mab Davydh hwoer deg, ha'y hanow Tamar; hag Amnon mab Davydh a's kara.

2 Samuel 13:38

Ytho Absalom a fias, ha mones dhe Geshur, hag ev a drigas ena teyr blydhen.

2 Samuel 14:23

Ytho Yoab a sevis ha mones dhe Geshur, ha dri Absalom dhe Yerusalem.

2 Samuel 14:32

Absalom a worthybis dhe Yoab, ‘Otta, my a dhannvonas dhis ha leverel. “Deus omma, may hallav dha dhannvon dhe'n myghtern, dhe leverel, ‘Prag y teuth vy dhiworth Geshur? Gwella via ragov bos ena hwath.’ Lemmyn gas vy dhe weles fas an myghtern; ha mars eus kabel ynnov, gwres ev ow ladha!” ’

2 Samuel 15:8

Rag dha was a ambosas ambos pan esen trigys yn Geshur yn Aram, ha leverel. “Mara'm dre an Arloedh arta dhe Yerusalem, ena my a wordh an Arloedh.” ’

2 Samuel 18:14

Ena yn-medh Yoab, ‘Ny vynnav gortos yndellma genes.’ Hag ev a gemmeras tri guw yn y dhorn, ha'ga fokya dre golonn Absalom, hag ev hwath yn few y'n derebinthenn.

2 Samuel 18:18

Lemmyn Absalom a gemmersa ha drehevel peulven ragdho y honan, hag ev hwath yn few, usi yn Nans an Myghtern, rag yn-medh ev, ‘Ny'm beus mab vyth dhe witha ow hanow yn kovadh’; ev a henwis an peulven war-lergh y hanow y honan, ha gelwys yw bys y'n jydh hedhyw, men-kov Absalom.

2 Samuel 18:33

Ha'n myghtern a veu movyes yn feur, hag ev eth yn-bann dhe'n chambour a-ugh an yet hag oela; hag y leveri, hag ev ow mos, ‘A ow mab Absalom! Ow mab, ow mab Absalom! Unnweyth a marwen yn dha le, A Absalom, ow mab, ow mab!’

2 Samuel 3:3

ha'y nessa, Kileab, a Abigayl gwreg Nabal a Karmel; ha'n tressa, Absalom mab Maaka myrgh Talmay myghtern Geshur;

2 Samuel 3:4

ha'n peswora, Adoniya mab Haggith; ha'n pympes, Shefatia mab Abital;

1 Myghternedh 1:5

Adoniya mab Haggith a omdhrehevis, ow leverel, ‘My a vydh myghtern’: hag ev a bareusis ragdho charettow ha marghogyon, ha deg korfwithyas ha dew-ugens rag poenya a-ragdho.

1 Myghternedh 1:6

Ny wrug y das y geredhi bythkweth ow leverel. ‘Prag re wruss'ta yndella?’ Hag ynwedh ev o pur deg y semlans; hag ev a veu dineythys nessa wosa Absalom.

1 Myghternedh 2:22

Myghtern Solomon a worthybis hag a leveris dh'y vamm, ‘Prag y hwovynnydh Abishag an Shunammyades dhe vos res rag Adoniya? Govynn an wlaskor ragdho ev ynwedh. Rag ev yw ow hottha broder; govynn ragdho ev, ha rag Abiathar an oferyas, ha rag Yoab mab Seruya.’

1 Kroniklys 2:23

Mes Geshur hag Aram a gemmeras anedha Havvoth-yair, ha Kenath ha'y threvow, tri-ugens tre. Oll an re ma o mebyon Makir, tas Gilead.

1 Kroniklys 3:1

An re ma yw mebyon Davydh a veu dineythys dhodho yn Hebron: an kynsa-genys Amnon, a Ahinoam an Yezreelyades; an nessa Daniel, a Abigayl a Karmel;

1 Kroniklys 3:3

an pympes, Shefatia a Abital; an hweghves, Ithream, a'y wreg Egla.

Yoshua 13:13

Mes ny fesyas an Ysraelysi an Geshurysi na'n Maakathysi; mes yma Geshur ha Maakath trigys yn kres Ysrael bys y'n jydh ma.