1 Kroniklys 10:4 - An Bibel Kernewek 20234 (Kernewek Kemmyn)

⁴ Ena Sowl a leveris dhe dheger y arvow, ‘Tenn dha gledha ha gwan vy ganso, ma na dheffo an wer antrodreghys ma ha gul ges ahanav.’ Mes ny vynnas deger y arvow, drefenn ev dhe berthi own yn feur. Ytho Sowl a gemmeras y gledha y honan ha koedha warnodho.

1 Kroniklys 10:4 Iomraidhean Croise

2 Samuel 1:20

Na wrewgh y leverel yn Gath, na wra y dhyllo yn stretow Ashkelon; ma na lowenhaho myrghes an Filistysi, ma na heudhhaho myrghes an re antrodreghys.

2 Samuel 1:6

Ha'n gour yowynk neb a dherivas orto a leveris, ‘Par happ yth esen war venydh Gilboa, hag ottena Sowl ow poesa war y wuw, ha'n charettow ha'n varghogyon ow tos nes dhodho.

2 Samuel 17:23

Pan welas Ahithofel na veu y gusul holys, ev a dhibras y asen ha sevel ha mones dh'y ji, dh'y sita, hag ordena y vayni, hag omgregi ha merwel, hag ev a veu ynkleudhys yn bedh y das.

1 Myghternedh 16:18

Pan welas Zimri bos kemmerys an sita, ev eth yn tour chi an myghtern; ev a loskas chi an myghtern warnodho y honan gans tan hag a verwis,

1 Kroniklys 10:3

An vatel a veu poes a-dro dhe Sowl; ha'n sethoryon a'n kavas, hag ev a veu goliys gans an sethoryon.

1 Kroniklys 10:5

Pan welas deger y arvow bos Sowl marow, ev ynwedh a goedhas war y gledha, ha merwel.

Oberow 1:18

Lemmyn hemma a brenas park gans an gober a gammweyth, hag ow koedha sket, y dorr ev a veu folsys a-les yn y gres, hag oll y golodhyon a frosas yn-mes;

Oberow 16:27

Pan dhifunas an jayler ha gweles bos igerys darasow an prison, ev a dennas yn-mes y gledha, ha parys o dhe omladha, ow tybi y tianksa an brisnoryon.

Breusysi 15:18

Y'n prys na ev a'n jevo syghes bras, hag ev a elwis war an Arloedh, ow leverel, ‘Ty re wrontyas an trygh meur ma dre leuv dha was. A dal dhymm merwel rag syghes ha koedha yn leuv an re antrodreghys?’

Breusysi 16:21

Yndella an Filistysi a'n sesyas hag a droghas yn-mes y dhewlagas. I a'n dros yn-nans dhe Gaza ha'y gelmi gans kargharow a vrons; hag ev a veu settys dhe velyas greun y'n prison.

Breusysi 9:54

Distowgh ev a elwis dhe'n yonker deger y arvow hag a leveris dhodho, ‘Tenn dha gledha ha'm ladha, ma na leverrer yn ow hever, “Benyn a'n ladhas.” ’ Ytho an yonker a'n gwanas, hag y ferwis.

1 Samuel 14:6

Yonathan a leveris dhe'n gour yowynk deger y arvow, ‘Deus, ha treusyn dhe savla-goelyadoryon an re antrodreghys; martesen y hwarvo an Arloedh dhe oberi ragon; rag nyns eus travyth a yll lettya an Arloedh rag ri trygh gans lies po gans nebes.’

1 Samuel 17:26

Davydh a leveris dhe'n wer esa sevys rybdho, ‘Pandr'a vydh gwrys rag an gour neb a ladh an Filistyas ma, ha kemmeres dhe-ves an meth dhiworth Ysrael? Rag piw yw an Filistyas antrodreghys ma may hyll ev defia luyow an Duw bew?’

1 Samuel 17:36

Dha was re ladhas lewyon hag orses; ha'n Filistyas antrodreghys ma a vydh kepar hag onan anedha, a-ban wrug ev defia luyow an Duw bew.’

1 Samuel 31:4

Ena Sowl a leveris dhe dheger y arvow, ‘Tenn dha gledha ha'm gwana ganso ma na dheffo an wer antrodreghys ma ha'm gwana ha gul ges ahanav.’ Mes ny vynnas deger y arvow; drefenn ev dhe berthi own yn feur. Rakhenna Sowl a gemmeras y gledha y honan hag ev a goedhas warnodho.