Xuíces 4:14 - Biblia SEPT

¹⁴ E dixo Déborah a Barac: —"Érguete, pois é este o día no que puxo o Señor a Sísera nas túas mans. E logo non vai o Señor diante de ti?" E baixou Barac do monte Tabor cos dez mil homes que o seguían.

Xuíces 4:14 Iomraidhean Croise

Xénese 19:14

Lot saíu para lles dicir ós xenros, que desposaran a súas fillas: —"Dispoñédevos para abandonar este lugar, pois o Señor destrúe a cidade". Pero eles collérono a riso.

Xénese 44:4

Saíron da cidade e, cando non ían aínda lonxe, mandou Xosé ó xefe da súa casa: —"Vai detrás deses homes e, cando os atrapes, dilles: Por que pagastes mal por ben?

2 Samuel 5:24

Cando sintas ruído de pasos nas copas das moreiras, ataca con decisión, pois é que sae o Señor diante de ti, para derrotar o exército filisteo".

Isaías 52:12

Non saiades de présa nin marchedes á escapada, que diante de vós camiña o Señor, e a vosa retagarda é o Deus de Israel.

Miqueas 2:13

O que abre camiño sobe diante deles, abrirán, pasarán pola porta e sairán. O seu rei pasará diante deles. O Señor, á cabeza!"

Deuteronomio 9:3

Pero hoxe vas recoñecer que o Señor, o teu Deus, é quen pasa diante de ti coma lume devorador, El é quen os vai destruír, El é quen os vai subxugar na túa presenza, mentres ti vas tomar posesión deles e os vas facer desaparecer nun instante, tal como cho dixo o Señor.

Xosué 10:8

E dixo o Señor a Xosué: —"Non lles teñas medo, pois púxenchos na túa man: non quedará vivo un só deles diante de ti".

Xosué 7:13

Ti érguete, purifica o pobo, e dilles: Mantédevos puros para mañá, pois así di o Señor, Deus de Israel: Non poderás estar rexo fronte ós teus inimigos, ata que non fagades desaparecer o consagrado do medio de vós.

Xuíces 19:28

El díxolle: —"Érguete e ímonos". Pero ela non respondeu. Entón colocouna enriba do burro, incorporouse o home e foi para a súa terra.

Xuíces 4:10

E convocou Barac a Zebulón e a Naftalí en Quédex, e subiu con dez mil homes consigo; e tamén foi con el Déborah.

Xuíces 7:9

E aconteceu que aquela noite lle dixo o Señor: —"Érguete e baixa ó campamento, pois o entrego nas túas mans.

1 Samuel 9:26

Xaúl durmiu alí. O amencer, Samuel foino chamar: —"Érguete, que quero despedirte". Xaúl ergueuse, e saíron os dous xuntos para fóra.