Xuíces 3:1 - Biblia SEPT

¹ E foron estas as nacións xentís que deixou o Señor para probar por medio delas a Israel —a cantos non coñeceran todas as guerras de Canaán

Xuíces 3:1 Iomraidhean Croise

1 Reis 9:21

Os seus descendentes seguiron no país, pois os israelitas non os exterminaran.

2 Crónicas 32:31

e cando os príncipes de Babilonia lle enviaron mensaxeiros para se informaren do prodixio que sucedera no seu país, se Deus o abandonou foi para pólo á proba e coñecer as súas intencións.

XOB - A Biblia Galega (Ed. SEPT) 23:10

Mais, dado que El coñece o camiño do meu lar, que me veña probar e hei saír coma o ouro:

Éxodo 15:25

Moisés clamou cara ó Señor, e o Señor mostroulle un madeiro que había botar na auga. A auga volveuse doce. Alí deulles leis e normas, e púxoos á proba.

Proverbios 17:3

O crisol proba a prata; o forno, o ouro; e o Señor é quen proba os corazóns.

Xeremías 6:27

Eu constitúote en examinador do meu pobo, para que examines a miña cidade cortada a pico, para que probes o seu comportamento.

Zacarías 13:9

A ese terzo fareino pasar polo lume e acrisolareino como se acrisola a prata e probareino como se proba o ouro. El invocará o meu nome e eu escoitareino; direille "ti es o meu pobo" e el dirame "Iavé meu Deus".

Xoán 2:24

Pero, pola súa parte, Xesús non se fiaba deles, porque os coñecía a todos.

Deuteronomio 7:22

O Señor, o teu Deus, botará fóra da túa presenza pouco a pouco a estes pobos; non verá conveniente facelos desaparecer rapidamente, non sexa que as feras salvaxes se multipliquen con perigo para ti.

Deuteronomio 8:16

foi El quen che deu a comer no deserto o maná, que teus pais non coñecían, co fin de te aflixir e pórte a proba, para logo facerche ben no teu futuro.

Deuteronomio 8:2

Has de te lembrar do camiño polo que o Señor, o teu Deus, te fixo camiñar polo deserto durante estes corenta anos para aflixirte e pórte a proba e saber o que hai nas túas intencións: se ti querías gardar os seus mandamentos, ou non.

1 Pedro 1:7

Deste xeito, o xenuíno da vosa fe ten máis valía do que o ouro que, a pesar de ser pasadío, se aquilata no lume e considérase merecente de loanza, gloria e honra cando se revele Xesús Cristo.

1 Pedro 4:12

Meus amigos, saíde do medo que vos deu o incendio que xurdiu entre vós, para vos poñer a proba, coma se vos viñese enriba algo estraño.

Apocalipse 2:23

e ós fillos dela vounos matar cun andazo. Así coñecerán todas as igrexas que eu son o que sonda os sentimentos e as intencións e o que vos dá a cadaquén segundo as vosas obras.

Xuíces 1:1

E aconteceu que, despois da morte de Xosué, foron consultar os fillos de Israel ó Señor: —"Quen de nós subirá o primeiro para a loita contra os cananeos?"

Xuíces 2:10

E toda a xeración aquela foise xuntar cos seus pais; e veu despois deles outra xeración que non coñecía ó Señor nin o que tal fixera en favor de Israel.

Xuíces 2:23

E deixou o Señor aquelas nacións xentís, en vez de botalas axiña; e non as puxo nas mans de Xosué.

Xuíces 3:2

(soamente para aprendizaxe das xeracións dos fillos de Israel, para ensinarlles a facer a guerra, polo menos ós que non a coñecían antes):