Xuíces 19:10 - Biblia SEPT

¹⁰ Pero o home non consentiu en pasar a noite alí. Ergueuse e foi e chegou fronte a Iebús —que é Xerusalén—, levando consigo os burros aparellados e tamén a súa concubina.

Xuíces 19:10 Iomraidhean Croise

2 Samuel 5:6

O rei marchou cos seus homes sobre Xerusalén contra os habitantes daquel país, os iebuseos. Eles tíñanlle dito a David: —"Non poderás entrar aquí; rexeitarante os cegos e os coxos". Con iso querían dicir: "David non poderá entrar aquí".

Xosué 15:63

No tocante ós iebuseos veciños de Xerusalén, non puideron botalos fóra os fillos de Xudá: e habitaron cos fillos de Xudá en Xerusalén ata o día de hoxe.

Xosué 15:8

E o lindeiro subía polo Val de Ben—Hinnóm, pola beira sur dos iebuseos —isto é, de Xerusalén—; e rubía polo cume do monte que dá polo oeste a Gue—Hinnom, e polo norte ó extremo do Val dos Refaím.

Xosué 18:28

Selá, Élef, Iebusi —que é Xerusalén—, Guibat e Quiriat: catorce cidades e as súas aldeas. Esta é a herdanza dos fillos de Benxamín, segundo as súas familias.

Xuíces 1:8

E loitaron os fillos de Israel contra Xerusalén, e conquistárona, e pasárona polo gume da espada; e á cidade prendéronlle lume.

Xuíces 19:9

E dispúxose o home para marchar —el e a súa concubina e mais o criado—, e díxolle o sogro —o pai da moza—: —"Mira que o día vai declinando cara á escuridade. Pasade a noite aquí. Fíxate no devalo do día: pasa a noite aquí e aleda o teu corazón; e mañá madrugaredes para andar o voso camiño e irvos para o teu lar".