Xuíces 18:2 - Biblia SEPT

² E enviaron os fillos de Dan desde aló —desde Sorah e Extaol— cinco homes da súa xente —homes forzudos— para explorar o país; e chegaron á serra de Efraím, á casa de Micah, e pasaron alí a noite.

Xuíces 18:2 Iomraidhean Croise

Xénese 42:9

Xosé acordouse dos soños que tivera acerca deles, e díxolles: —"Vós sodes espías. Viñestes pescudar os lados febles do país".

Proverbios 20:18

Os proxectos asegúranse no consello, fai por tanto a guerra con estratexia.

Números 13:17

Moisés enviounos a explorar o país de Canaán, e díxolles: —"Subide polo deserto e escalade logo a montaña.

Lucas 14:31

Ou que rei, que sae á guerra contra outro, non se senta primeiro a cavilar se lle chegarán dez mil homes para loitar contra vinte mil?

Xosué 15:33

E na Xefelah, Extaol, Sorah, Axnah,

Xosué 19:41

O lindeiro da súa herdanza collía Sorah, Extaol, Ir—Xémex,

Xosué 2:1

Xosué, fillo de Nun, enviou ás caladas desde Xitim a dous militares de a pé, dicíndolles: —"Ide ver o país, a Xericó". Eles foron e chegaron a casa dunha rameira chamada Rahab, e pararon alí.

Xosué 2:2

Mais foille anunciado ó rei de Xericó: —"Velaquí que chegaron de noite algúns dos fillos de Israel, para pescudar o país".

Xuíces 13:2

Había un home de Sorah, da familia dos danitas, chamado Manóah. Súa muller era estéril e non procreara.

Xuíces 13:25

E o espírito do Señor comezou a movelo ás veces, no campamento de Dan, entre Sorah e Extaol.

Xuíces 16:31

E baixaron seus irmáns e toda a casa de seu pai, recollérono e subiron; sepultárono entre Sorah e Extaol, na sepultura de Manóah, seu pai. Sansón fora xuíz en Israel durante vinte anos.

Xuíces 17:1

Había un home da serra de Efraím, chamado Micah.

Xuíces 18:11

E saíron de alí, da liñaxe dos danitas de Sorah e Extaol, seiscentos homes cinguidos cos aparellos da guerra;

Xuíces 18:13

E desde alí pasaron á serra de Efraím e chegaron onda a casa de Micah.

Xuíces 18:3

Estando eles na casa de Micah, distinguiron a voz do mozo levita, e, achegándose alí, dixéronlle: —"Quen te trouxo a ti aquí? Que estás facendo? A que te dedicas?"

Xuíces 18:8

E chegaron onda seus irmáns —a Sorah e Extaol—, e dixéronlles estes: —"Que tal vos foi?"

Xuíces 19:1

Naquel entón non había rei en Israel. E aconteceu que un home levita, que vivía no lindeiro da Serra de Efraím, colleu para si unha muller concubina de Belén de Xudá.

Xuíces 19:18

E respondeulle: —"Nosoutros imos de camiño desde Belén de Xudá ata o lindeiro da serra de Efraím. De alá son eu. Fun ata Belén de Xudá, agora vou para a miña casa e ninguén me acolle no seu lar.