Xuíces 16:10 - Biblia SEPT

¹⁰ E díxolle Dalilah a Sansón: —"Velaquí que te mofaches de min e me contaches mentiras. Agora, anda móstrame con que habería que amarrarte".

Xuíces 16:10 Iomraidhean Croise

Nehemías 6:4

Eles enviáronme catro veces o mesmo recado, e eu deilles a mesma resposta.

Proverbios 24:28

Non fagas sen máis de testemuña contra o teu veciño, gústache enganar coa boca?

Ezequiel 33:31

Veñen onda ti coma ás xuntanzas do pobo. Así os do meu pobo sentan na túa presenza; escoitan as túas palabras, pero cumprir, non as cumpren; coas súas bocas están facendo promesas de amor, pero os seus corazóns van tralas inxustas ganancias.

Lucas 22:48

Pero Xesús díxolle: Xudas, cun bico entregas o Fillo do Home?

Xuíces 16:11

Respondeulle el: —"Se amarrar me amarrades con cordas novas, coas que non se fixo ningún traballo, amolecerei e serei coma un dos outros homes".

Xuíces 16:13

E dixo Dalilah a Sansón: —"Ata agora me enganaches e contaches mentiras. Anda, móstrame con que terán que amarrarte". E respondeulle: —"Se teces os sete guedellos da miña cabeza con lizo e os fixas cos paus, amolecerei e serei coma un dos outros homes".

Xuíces 16:7

E respondeu Sansón: —Se me amarrasen con sete nervios tenros —que non secasen aínda—, amolecería e sería coma un dos outros homes".

Xuíces 16:9

Había xente á espreita no seu cuarto e berroulle ela a el: —"Os filisteos vanche ó lombo, Sansón!" Entón el desfixo os nervios como se desfai un fío de estopa cando se lle achega o lume e non se descubriu o segredo da súa forza.