Xuíces 13:5 - Biblia SEPT

⁵ pois velaquí que concibirás e parirás un fillo, e non subirá a navalla pola súa cabeza, pois o neno será nazir de Deus desde o ventre: e el comezará a salvar a Israel das mans dos filisteos".

Xuíces 13:5 Iomraidhean Croise

2 Samuel 8:1

Despois diso David venceu ós filisteos e someteunos; e arrebatoulles Gat coas súas aldeas.

1 Crónicas 18:1

Despois disto, venceu David ós filisteos e humillounos, arrebatándolles das mans Gat e as cidades da súa dependencia.

Amós 2:11

fixen xurdir profetas de entre os vosos fillos e nazireos de entre os vosos mozos, non si, israelitas? —Oráculo de Iavé—.

Números 6:5

En todo o tempo do nazireato non pasará a navalla pola cabeza, ata que se completen os días da súa consagración ó Señor: será reservado para o Señor e deixará crecer os cabelos da súa cabeza.

Lucas 1:15

Será grande ante o Señor e non beberá nin viño nin licor. Desde o mesmo ventre da súa nai estará cheo do Espírito Santo.

Xuíces 16:17

entón el mostroulle todo o seu corazón, dicíndolle: —"Nunca subiu a navalla pola miña cabeza, pois son nazir de Deus desde o ventre da miña nai. Se fose rapado, arredaría de min a miña forza, e esmorecería, e sería coma un dos outros homes".

1 Samuel 1:11

Daquela fixo este voto: —"Señor dos exércitos, se te fixas no acoramento da túa serva e lle dás un filliño, eu cedereillo ó Señor por todos os días da súa vida, e a navalla non tocará na súa cabeza".

1 Samuel 7:13

Os filisteos quedaron humillados e non volveron invadir os lindeiros de Israel. A man do Señor pesou sobre eles toda a vida de Samuel.