Xuíces 12:5 - Biblia SEPT

⁵ E ocupou Galaad os baixíos do Xordán de diante de Efraím e aconteceu que, cando dicía un dos fuxitivos de Efraím "déixame pasar", preguntábanlle os homes de Galaad: —"Ti es efraimita". E respondía: —"Non".

Xuíces 12:5 Iomraidhean Croise

1 Reis 11:26

Tamén se revoltou contra Salomón Ieroboam, fillo de Nabat, un servo do rei, un efrateo de Seredah. Súa nai chamábase Seruah e era viúva.

Xosué 2:7

Os perseguidores botaron a correr detrás deles polo camiño do Xordán, cara ós baixíos, e, en saíndo eles, de contado atrancaron as portas.

Xosué 22:11

E chegou isto ós ouvidos dos fillos de Israel: —"Velaquí que os fillos de Rubén, os fillos de Gad e mais a media tribo de Menaxés edificaron un altar no extremo da terra de Canaán, á beira do Xordán, na banda dos fillos de Israel".

Xuíces 12:4

E convocou Iefté a todos os homes de Galaad e arremeteu contra Efraím; e zorregáronlle os homes de Galaad a Efraím, por dicirlles: —"Os de Galaad sodes uns fugados de Efraím, no medio de Efraím e de Menaxés!".

Xuíces 12:6

Daquela dicíanlle: —"Fai favor de repetir Xibbólet. E dicía: Sibbólet (pois non conseguía pronuncialo ben)". Entón eles apreixábano e degolábano xunto ós areais do Xordán. E caeron naquel entón corenta e dous mil de Efraím.

Xuíces 17:7

E había un mozo de Belén de Xudá, da familia de Xudá, que era levita e que vivía alí;

Xuíces 3:28

E díxolles: —"Seguídeme, pois o Señor puxo os vosos inimigos —os moabitas— nas vosas mans". E baixaron detrás del e tomaron os baixíos do Xordán que están no camiño de Moab, e non deixaron pasar a ninguén.

Xuíces 7:24

E Guideón mandou mensaxeiros por toda a serra de Efraím, dicindo: —"Baixade ó encontro dos madianitas e ocupade antes ca eles os baixíos ata Bet—Barah e o Xordán". E xuntáronse todos os homes de Efraím e ocuparon os baixíos ata Bet—Barah e o Xordán.

1 Samuel 1:1

Había un home de Ramataim, un sufita da montaña de Efraím, que se chamaba Elcanah, fillo de Ieroham, fillo de Elihú, fillo de Tohu, fillo de Suf, efrateo.