Xuíces 1:1 - Biblia SEPT

¹ E aconteceu que, despois da morte de Xosué, foron consultar os fillos de Israel ó Señor: —"Quen de nós subirá o primeiro para a loita contra os cananeos?"

Xuíces 1:1 Iomraidhean Croise

1 Reis 22:5

Despois dixo Ioxafat ó rei de Israel: —"Gustaríame que consultases agora a palabra do Señor".

Éxodo 18:15

Moisés respondeulle a seu sogro: —"A xente vén onda min para consultar a Deus.

Éxodo 28:30

No peitoral das sortes porás os urim e os tummim, e así irán sobre o corazón de Aharón, sempre que este entre onda o Señor, Aharón levará sempre sobre o corazón, na presenza do Señor, as sortes de Israel.

Números 27:21

Deberá presentarse a Elazar, sacerdote, quen consultará por el o xuízo dos Urim ante o Señor. Por orde súa sairán e por orde súa regresarán, el e mais todos os fillos de Israel con el, toda a comunidade".

Xuíces 1:27

E non botou Menaxés ós de Bet—Xeán e as súas vilas, nin ós de Tanac e as súas vilas, nin ós veciños de Dor e as súas vilas, nin ós veciños de Ibleam e as súas vilas, nin ós veciños de Meguido e as súas vilas; e os cananeos continuaron morando naquela terra.

Xuíces 2:21

tampouco eu vou botar de diante deles a ningunha das nacións xentís que deixou Xosué cando morreu;

Xuíces 2:8

E morreu Xosué, fillo de Nun, servo do Señor, ós cento dez anos.

Xuíces 2:9

E sepultárono dentro dos lindes da súa herdanza, en Timnat—Heres, na serra de Efraím, ó Norte do monte Gaax.

Xuíces 20:18

Erguéronse e subiron a Betel, consultaron a Deus e dixeron os fillos de Israel: —"Quen de nós subirá o primeiro para a loita contra os fillos de Benxamín?" E respondeu Iavé: —"O primeiro será Xudá".

Xuíces 20:23

E subiron os fillos de Israel, choraron diante de Iavé ata o serán e consultaron o Señor, dicindo: —"Convén presentar de novo a loita ós fillos de Benxamín, o noso irmán?" E dixo Iavé: —"Subide contra el".

Xuíces 20:27

E consultaron os fillos de Israel a Iavé (e estaba alí, naquel entón, a Arca da Alianza de Deus,

Xuíces 20:28

e Pinhás —o fillo de Elazar, fillo de Aharón—, exercía diante dela naquel tempo): —"Logo deberemos saír de novo para a loita contra os fillos de Benxamín, noso irmán, ou renunciar?" E dixo Iavé: —"Subide, que mañá vounos poñer nas vosas mans".

1 Samuel 10:22

Consultaron de novo ó Señor: —"Veu ou non ese home?" E o Señor respondeu: —"Aí está, escondido entre as equipaxes".