Xénese 9:2 - Biblia SEPT

² Que vos teñan respecto e medo os animais todos da terra e os paxaros do ceo. No voso poder están os réptiles todos da terra e os peixes do mar.

Xénese 9:2 Iomraidhean Croise

Xénese 1:21

E creou os monstros mariños, os moitos xéneros de peixes que referven nas augas e todas as sortes de paxaros. E parecéronlle ben.

Xénese 1:26

Despois dixo Deus: —"Fagamos o home á nosa imaxe e á nosa semellanza, e que mande nos peixes do mar, nos paxaros do ceo, nos animais domésticos e nos réptiles todos da terra".

Xénese 1:28

E bendiciunos así: —"Reproducídevos, crecede, enchede a terra e sometédea. Mandade nos peixes do mar, nos paxaros do ceo e nos réptiles todos da terra".

Xénese 2:19

O Señor Deus formou de terra as feras do monte e os paxaros do ceo, e presentoullos ó home, para ver que nomes lles puña. Cada ser vivo levaría o nome que o home lle puxese.

Xénese 35:5

En canto se puxeron de camiño, un medo de Deus invadiu todas as vilas do arredor, de xeito que ninguén perseguiu ós fillos de Xacob.

Xénese 9:1

Deus bendiciu a Noé e ós seus fillos: —"Crecede, reproducídevos e enchede a terra.

Xénese 9:3

Todo o que vive e se move serviravos para mantenza. Dóuvolo todo, como vos dei os vexetais.

XOB - A Biblia Galega (Ed. SEPT) 39:11

Fíaste del porque ten moita forza e descargas nel o teu traballo?

Ezequiel 34:25

Pactarei con eles unha alianza de paz, e farei desaparecer do país os animais feroces, para que poidan vivir con tranquilidade no deserto, e adormecer na foresta.

Oseas 2:18

E o día aquel —é o Señor quen fala— chamarasme "Meu marido", e non me volverás chamar "Baal Meu Dono"

Levítico 26:22

Mandarei contra vós as feras do campo, que vos han deixar orfos, mataranvos o gando deixándoo decimado, e quedarán ermos os vosos camiños.

Levítico 26:6

Eu porei paz no voso país, durmiredes sen medo e arredarei de onda vós toda caste de terror. Afastarei da vosa terra toda fera nociva e non pasará a espada polo voso país.

Santiago 3:7

Calquera caste de bestas ou paxaros ou cóbregas ou peixes pode domeala o home e, de feito, doméaa;