Xénese 7:12 - Biblia SEPT

¹² Choveu sobre a terra corenta días coas súas noites.

Xénese 7:12 Iomraidhean Croise

Xénese 7:17

Durante corenta días caeu un diluvio sobre a terra. As augas, ó encheren, erguían a arca sobre o chan.

Xénese 7:4

Dentro de sete días farei chover sobre a terra corenta días seguidos, coas súas noites, e varrerei da face da terra os seres todos que creei".

Xénese 8:2

Cerráronse as fontes do abismo e as comportas do ceo, e parou de chover.

1 Reis 19:8

Ergueuse Elías, comeu e bebeu e, coa forza daquel sustento, andou corenta días coas súas noites, ata o monte de Deus, o Horeb.

Éxodo 24:18

Moisés entrou na nube, subiu á montaña e quedou alí corenta días coas súas noites.

Mateo 4:2

Despois de xaxuar corenta días e corenta noites, acabou por ter fame.

Deuteronomio 10:10

Entón eu quedei na montaña, o mesmo cá primeira vez, durante corenta días e corenta noites, e tamén esta vez me fixo caso o Señor. O Señor non quixo destruírte,

Deuteronomio 9:18

Logo prostreime no chan diante do Señor, tal e como o fixera a primeira vez, durante corenta días e corenta noites, sen comer pan nin beber auga, por culpa de todos os pecados que acababades de cometer, facendo o que está mal ós ollos do Señor, ata ofendelo.

Deuteronomio 9:9

Cando eu subín á montaña para recoller as lousas de pedra, as táboas da Alianza, que o Señor pactara convosco, quedei na montaña corenta días e corenta noites, sen comer pan e sen beber auga.

2 Pedro 3:6

E por isto o mundo de entón pereceu alagado na auga.