Xénese 6:6 - Biblia SEPT

⁶ Arrepentiuse de os ter posto sobre a terra, pesoulle no corazón.

Xénese 6:6 Iomraidhean Croise

Xénese 6:7

E decidiu: —"Vou borrar da terra o home que creei, e con el tamén o gando, as feras e os paxaros, pois mesmo sinto telos feito".

2 Samuel 24:16

Cando o anxo alongaba a man cara a Xerusalén, para destruíla, arrepentiuse o Señor do castigo e díxolle ó anxo exterminador: —"Abonda xa! Detén a túa man!" O anxo do Señor atopábase entón onda a eira de Araunah o iebuseo.

1 Crónicas 21:15

Deus mandou un anxo a Xerusalén para destruíla, e cando xa a estaba destruíndo, mirou o Señor e arrepentiuse daquel mal, e díxolle ó anxo destrutor: —"Abonda, retira xa a túa man". O anxo de Iavé estaba onda a eira de Ornán o iebuseo.

Salmos 106:45

Lembraba a alianza en favor deles e, no seu amor, compadecíase.

Salmos 110:4

O Señor xurouno, e non se arrepinte: —"Ti es sacerdote para sempre conforme ó rito de Melquisedec".

Salmos 119:158

Vexo os traidores e sinto noxo de que non teñan en conta os teus ditos.

Salmos 78:40

Cantas veces se rebelaron no deserto e incomodaron a Deus na soidade!

Salmos 81:13

E deixeinos á súa teima, que fixesen ó seu xeito.

Salmos 95:10

Corenta anos anoxoume aquela xente, e dixen: —"Son un pobo de extraviado corazón, que non recoñece os meus camiños".

Éxodo 32:14

E o Señor renunciou ó castigo co que ameazara ó seu pobo.

Isaías 48:18

Oxalá tiveses feito caso dos meus preceptos: entón a túa prosperidade sería coma un río, e o teu triunfo coma as ondas do mar,

Isaías 63:10

Pero eles rebeláronse e entristeceron o seu Espírito Santo, que se volveu inimigo deles, facéndolles a guerra.

Xeremías 18:7

De pronto falo contra un pobo e contra un reino, de arrincalo, arrasalo e destruílo;

Xeremías 26:19

Acaso trataron de matalo Ezequías, rei de Xudá, e todo o seu pobo? Acaso non trataron de respectar o Señor, e de aplacar o seu rostro irado, para que o Señor se arrepentise do mal que lles anunciara? Nós imos cometer semellante barbaridade, que pagaremos coas nosas vidas.

Ezequiel 33:11

Dilles, pola miña vida! —é o meu Señor, Iavé, quen fala— que non me dá gusto que morra o malvado, senón que o malvado se converta da súa conduta e viva. Convertédevos, cambiade a vosa conduta depravada! Por que queredes morrer, Casa de Israel?

Oseas 11:8

Como te vou entregar, Efraím? Como te vou deixar, Israel? Como te vou entregar igual ca Ademah? Como te vou volver igual ca Seboim? O meu corazón revólvese contra min, ó mesmo tempo que a miña compaixón se conmove.

Xoel 2:13

Esgazade o voso corazón, e non os vosos vestidos, convertédevos ó Señor, voso Deus, pois El é compasivo e misericordioso, é calmoso para o enfado e abondoso en bondade, e ten compaixón da desgraza.

Xonás 3:10

Viu Deus as súas obras, como se convertían do seu mal camiño, e arrepentiuse do mal que dixera que lles ía facer, e non llelo fixo.

Malaquías 3:6

Eu son o Señor, non cambiei, pero vós, fillos de Xacob (do que engana) aínda non acabastes.

Números 23:19

Non é Deus home para mentir, nin fillo de home para que se poida desdicir. É El quen di e non fai, ou quen fala e non cumpre?

Romanos 11:29

Pois os dons e a chamada de Deus son irrevogables.

Efesios 4:30

Non aflixades ó Santo Espírito de Deus, que vos selou para o día da redención.

Deuteronomio 32:29

Se fosen sabios, comprenderían isto, entenderían cal é o seu porvir:

Deuteronomio 32:36

Si, o Señor faralle xustiza ao seu pobo, e compadecerase dos seus servos, cando vexa que a forza se acaba, e que xa non hai escravo nin libre.

Deuteronomio 5:29

Quen me dera que tivesen un corazón deste xeito, para respectarme a min sempre e para gardaren todos os meus preceptos, e para deste xeito seren felices sempre, eles e os seus fillos!

Hebreos 3:10

durante corenta anos: por isto me deu noxo aquela xente, e dixen: o corazón ándalles sempre descarreirado, non se deron conta do meu comportamento;

Hebreos 3:17

Quen foron os que lle deron noxo a Deus durante corenta anos? Acaso non foron os que por pecar caeron mortos no deserto?

Santiago 1:17

Todo bo regalo e toda dádiva perfecta vén de arriba, do Pai dos luceiros, en quen nin hai cambios nin tempos de sombras.

1 Samuel 15:11

—"Pésame ter feito rei a Xaúl, pois anda afastado de min e non cumpre as miñas ordes". Samuel entristeceuse e pasou toda a noite clamando perante o Señor.

1 Samuel 15:29

O que é gloria de Israel non mente nin se volve atrás, pois non é un home para ter que arrepentirse".

1 Samuel 15:35

Samuel non volveu ver a Xaúl na súa vida. Pero estaba aflixido por el, porque lle pesara ó Señor facelo rei de Israel.