Xénese 48:4 - Biblia SEPT

⁴ Díxome: Eu fareite fecundo, multiplicareite, trocareite nunha asemblea de pobos. Os teus descendentes dareilles esta terra en posesión duradeira.

Xénese 48:4 Iomraidhean Croise

Xénese 12:2

Eu farei de ti un pobo grande, bendicireite e dareiche un nome de sona, que será exemplo de bendición.

Xénese 17:13

Circuncidade os nacidos na casa e os adquiridos por diñeiro, e a miña alianza estará no voso corpo como alianza perpetua.

Xénese 17:6

Dareiche fecundidade, sacarei de ti nacións, de ti sairán reis.

Xénese 17:8

Dareiche a ti e a eles, en posesión perpetua, a terra onde habitas, o país de Canaán. Eu serei o teu Deus".

Xénese 22:17

bendicireite e farei crecer os teus descendentes coma as estrelas do ceo e as areas do mar. Os teus descendentes herdarán as cidades dos inimigos.

Xénese 26:4

Farei crecer os teus descendentes como as estrelas do ceo, dareilles toda esta terra e por eles chamaranse benditas as nacións todas do mundo;

Xénese 28:3

O Deus todopoderoso bendicirate, darache fecundidade e farate crecer; veraste convertido en moitas tribos.

Xénese 32:12

Líbrame do poder de meu irmán, das mans de Esaú, pois teño moito medo de que chegue e nos mate a min e ás nais, xunto cos fillos.

Xénese 35:11

Deus engadiu: —"Eu son o Deus todopoderoso. Ti reprodúcete e medra. De ti sairá un pobo, ou unha chea de pobos, e reis nacerán das túas entrañas.

Xénese 46:3

Díxolle Deus: —"Eu son o Deus de teu pai. Non teñas medo de ires a Exipto, pois alí convertereite nun grande pobo.

Xénese 47:27

Israel asentou en Exipto, na bisbarra de Goxén. Adquiriu propiedades nela, reproduciuse e medrou moito.

Salmos 127:3

Os fillos son a herdanza do Señor; o froito do ventre, o seu xornal.

Éxodo 1:11

Asignáronlles, pois, capataces, co fin de oprimilos con traballos, cando construían as cidades-graneiros de Pitom e de Ramsés.

Éxodo 1:7

os israelitas medraron, propagáronse, creceron, fixéronse moi fortes, enchían o país.

Ezequiel 37:25

Entón habitarán no país que eu lle dei ó meu servidor Xacob, no que habitaron vosos pais, e habitarán nel para sempre, eles, os fillos e os fillos de seus fillos; e o meu servidor David será o seu príncipe para sempre.

Levítico 26:9

Volverei os meus ollos cara a vós, fareivos prosperar e inzar, e confirmarei a miña alianza convosco.

Deuteronomio 32:8

Cando o Altísimo lles repartía a herdanza ós pobos, e cando separaba ós fillos de Adam: estableceu as fronteiras das nacións, segundo o número dos fillos de Israel.