Xénese 42:36 - Biblia SEPT

³⁶ Xacob díxolles entón: —"Ídesme deixar sen fillos! Xosé xa non está e Simeón tampouco. E agora queredes levar tamén a Benxamín. Todo cae riba de min".

Xénese 42:36 Iomraidhean Croise

Xénese 43:14

Que o Deus todopoderoso faga que teña dó de vós e deixe vir convosco a voso irmán e a Benxamín. Canto a min, se teño que quedar só, quedarei".

1 Corintios 10:13

E a vós non vos viñeron tentacións que superen as forzas humanas. Fiel é Deus, que non consentirá que teñades tentacións superiores ás vosas forzas: coa tentación havos dar tamén os medios para poder saír dela.

Romanos 8:31

Que máis se pode dicir despois disto? Se Deus está connosco, quen contra nós?

Romanos 8:28

Sabemos ademais que todo colabora para o ben dos que aman a Deus, dos que foron escolleitos segundo os seus designios.

Mateo 14:31

Axiña Xesús, dándolle a man, agarrouno e díxolle: Home de pouca fe, por que dubidas?

Isaías 41:10

Non teñas medo, que estou contigo; non mires con medo, que eu son o teu Deus. Fortalecinte e axudeite, collinte coa miña destra vitoriosa.

Isaías 38:10

Eu pensaba: teño que marchar na metade dos meus días, estou posto ás portas do Xeol para o resto dos meus anos.

Isaías 27:9

Con isto quedará expiada a iniquidade de Xacob, este será o seu froito, que afastará o seu pecado: cando El deixe en anacos as pedras dos seus altares, cando non se levanten imaxes de Axerah nin estelas cúlticas.

Qohélet (Eclesiastés) 7:8

Mellor é o remate dun asunto có comezo; mellor é a paciencia cá fachenda.

XOB - A Biblia Galega (Ed. SEPT) 7:7

Recorda ben que a miña vida é vento, e que o meu ollo non verá máis a ledicia!

1 Samuel 27:1

David botou estas contas: —"Calquera día acabarei no poder de Xaúl. Non me queda outro remedio que escapar ó país dos filisteos. Entón deixará Xaúl de perseguirme por todo o territorio de Israel e quedarei a salvo da súa man".

Salmos 34:19

O Señor está preto do aflixido, salva ó asoballado.

Xénese 47:12

Xosé mantiña a seu pai, a seus irmáns e a toda a súa casa, conforme o seu número.

Xénese 45:28

E dixo Israel: "Chégame con que o meu fillo Xosé viva. Irei velo, antes de morrer".

2 Corintios 4:17

Os sufrimentos transitorios e leves prepárannos unha inmensa carga de gloria eterna por riba de toda medida.

Xénese 42:37

Respondeulle Rubén: —"Se non che traio de volta a Benxamín, podes matar os meus dous fillos. Déixao nas miñas mans, que eu cho volverei".

Xeremías 31:15

Así fala o Señor: —Óense berros en Ramah, cantos de loito, choros de amargura: Raquel está a chorar polos seus fillos, non se quere consolar. Polos seus fillos, velaí o noso loito!

Xénese 44:12

El comezou a cachear polo maior e acabou polo máis pequeno. E atopou a copa na saca de Benxamín.