Xénese 41:8 - Biblia SEPT

⁸ Pola mañá, inquedo polo soño, mandou o faraón convocar os adiviños e os sabios de Exipto, e contoulles o seu soño. Mais ninguén sabía interpretarllo.

Xénese 41:8 Iomraidhean Croise

Xénese 40:6

Pola mañá entrou Xosé onda eles e atopounos deprimidos.

Xénese 40:8

Respondéronlle eles: —"Tivemos un soño, e non hai quen nolo interprete". Díxolles Xosé: —"Non lle corresponde a Deus a interpretación? Contádeme o soño".

Xénese 41:15

O faraón díxolle: —"Tiven un soño, e non hai quen o interprete. Oín dicir que ti interpretas un soño en oíndo contalo".

Xénese 41:24

As espigas miúdas devoraban as espigas boas. Contéillelo ós meus magos, e ninguén me deu explicación".

Xénese 41:7

As espigas miúdas devoraban as sete graúdas e cheas. E o faraón espertou. Fora todo un soño.

Salmos 25:14

O segredo do Señor é para os que o temen, e instrúeos coa súa alianza.

Éxodo 7:11

O faraón mandou chamar ós seus sabios e feiticeiros, e os magos exipcios fixeron iso mesmo cos seus encantamentos.

Éxodo 7:22

Pero os magos de Exipto fixeron tamén iso cos seus encantamentos. O faraón endureceuse e non lles fixo caso, conforme dixera o Señor.

Éxodo 8:7

As ras arredaranse de onda ti, do teu pazo, de onda os teus ministros e o teu pobo, e reduciranse ó Nilo".

Éxodo 9:11

Os magos non podían resistir diante do faraón, polas chagas que lles saíran, a eles como a todos os exipcios.

Isaías 19:3

Sobresaltarase o espírito de Exipto e destruirei o seu plan, aínda que consulten ós deuses, ós bruxos, ós nigromantes e ós adiviños.

Isaías 29:14

Por isto, velaí: eu volverei a asombrar este pobo, facendo marabillas e prodixios: a sabedoría dos seus sabios perecerá e a intelixencia dos seus intelixentes quedará enterrada".

Isaías 8:19

E cando vos digan: "Consultade os nigromantes e os adiviños que rosman e murmuran: Non pode un pobo consultar os seus deuses e os mortos en favor dos vivos?".

Levítico 19:31

Non iredes ós bruxos nin consultaredes os adiviños, contaminándovos con eles. Eu son o Señor, o voso Deus.

Levítico 20:6

O individuo que vaia ós adiviños e bruxos para se prostituír con eles, eu mesmo me encararei con el e o farei arrincar do medio do seu pobo.

Habacuc 3:16

Oíno, e estremecéronseme as entrañas; co fragor tremeron os meus labios, a carie penetra nos meus ósos, debaixo de min cambalean os meus pasos. Espero quedo o día da angustia, cando se erga contra o pobo que nos ataca.

Mateo 2:1

Xesús naceu en Belén de Xudea, en tempos do rei Herodes. E nisto uns magos de Oriente chegaron a Xerusalén preguntando:

Feitos 17:18

Algúns filósofos epicúreos e estoicos conversaban con el; uns dicían: "que quererá dicir este lingoreteiro?". E outros: "parece ser un predicador de deuses estranxeiros". (É que anunciaba a Xesús e a resurrección).

Feitos 7:22

Moisés educouse en toda a ciencia dos exipcios, e era poderoso en palabras e mais en obras.

1 Corintios 1:19

Pois está escrito: Desmontarei a sabedoría dos sabios e derrubarei a intelixencia dos intelixentes.

1 Samuel 6:2

Os filisteos convocaron entón os seus sacerdotes e adiviños, para consultarlles: —"Que habemos facer coa arca de Iavé? Dicídenos a maneira de volvela ó seu sitio".