Xénese 4:7 - Biblia SEPT

⁷ Se fas o ben, poderás levala ergueita. Se non o fas, xa o pecado rolda á túa porta, estate axexando. Pero ti pódelo dominar".

Xénese 4:7 Iomraidhean Croise

Xénese 19:21

El respondeulle: —"Tamén che concederei este favor de non destruír a vila da que falas.

Xénese 3:16

A muller díxolle:"Terás moitos afáns na túa preñez, parirás con dor os fillos. Devecerás polo teu home, e el dominarate".

2 Samuel 24:23

Araunah dáballe ó rei iso todo, agoirándolle: "Que o Señor, o teu Deus, che sexa propicio".

2 Reis 8:28

Ocozías foi con Ioram, fillo de Acab, loitar contra Hazael, rei de Aram, en Ramot de Galaad. Daquela os arameos feriron a Ioram.

XOB - A Biblia Galega (Ed. SEPT) 11:14

se arredas o mal das túas palmas e non cobizas na túa tenda a ruindade,

XOB - A Biblia Galega (Ed. SEPT) 11:15

poderás erguer a fronte sen chata, afincarte no chan sen ter medo.

XOB - A Biblia Galega (Ed. SEPT) 29:4

tal como era nos meus días mozos, cando Deus viña facer xuntanza á miña tenda.

XOB - A Biblia Galega (Ed. SEPT) 42:8

Collede logo sete vacas e sete carneiros e ide onda o meu servo Xob, para que os ofreza por vós en holocausto; e que o meu servo Xob pregue por vós, para que eu vos sexa propicio e non faga convosco un escarmento, porque non falastes de min o que era debido coma fixo o meu servo Xob.

Proverbios 18:5

Inicuo é favorecer o culpable, e prexudicar o inocente co veredicto.

Proverbios 21:27

Sacrificios de impíos son de aborrecer, e aínda máis cando os fan de mala lei.

Xeremías 3:12

Vai e proclama a berros este oráculo cara ó norte: Volve, apóstata Israel —é o Señor quen fala—, e non deixarei caer o meu enfado sobre vós; ollade que eu son compasivo —é o Señor quen fala— e non me quero enfadar contra a vosa rebeldía.

Xeremías 6:20

Por que me traedes entón o incenso desde Sabá, e a cana recendente desde terras remotas? Os vosos holocaustos non son do meu agrado, nin os vosos sacrificios me contentan.

Miqueas 7:18

Que Deus hai coma ti, que quita a iniquidade, e lle pasa por alto o pecado ó resto da súa herdanza, que non se obstina para sempre na ira, senón que lle ten amor á misericordia?

Malaquías 1:10

Quen hai de entre vós que queira pechara as dúas portas para non prenderdes en van o lume no meu altar? Non teño ningunha compracencia en vós —fala o Señor dos Exércitos—; non me sinto a gusto coa ofrenda que provén das vosas mans.

Malaquías 1:13

Si, vós dicides: "Ollade, que traballo!" e desprezades a comida —fala o Señor dos Exércitos—, pero traedes do que collestes. Si, o animal coxo e enfermo, ese é o que traedes de ofrenda. Podo eu recibila con gusto das vosas mans? fala o Señor.

Malaquías 1:8

e entón ofrecedes un animal cego para sacrificar: non está isto mal? Ofrecedes animal coxo e animal enfermo: non está nada mal? Preséntallo ó teu gobernador. Sentirase agasallado da túa parte ou mostrarache o seu favor? —fala o Señor dos Exércitos—.

Números 32:23

Mais se non obrades así, pecaredes contra o Señor, e sabede que o voso pecado caerá sobre vós.

Feitos 10:35

senón que acepta ó que lle é fiel e practica a xustiza, sexa da nación que sexa.

Romanos 12:1

Rógovos, logo, irmáns, pola misericordia de Deus, que ofrezades os vosos corpos coma sacrificio vivo, santo, grato a Deus: coma o voso culto espiritual.

Romanos 14:18

Quen nisto serve a Cristo é agradable a Deus e considerado polos homes.

Romanos 15:16

para ser eu ministro de Cristo Xesús en favor dos xentís, exercendo de sacerdote en servizo do Evanxeo de Deus, a fin de que a ofrenda dos xentís sexa agradable, xa que a santificou o Espírito Santo.

Romanos 6:12

Que non domine o pecado o voso corpo mortal, para obedecerdes as súas cobizas.

Romanos 6:16

Ben sabedes que se vos ofrecedes a alguén coma escravos para o obedecer, sodes escravos dese a quen obedecedes: se ó pecado, para acabar na morte; se á obediencia, para acadar a xustificación.

Efesios 1:6

para loanza da súa gloriosa benquerenza, coa que nos agraciou no Fillo amado,

1 Timoteo 5:4

Se unha viúva ten fillos ou netos, que aprendan estes primeiro a respectar a propia familia e a corresponderlles ós seus pais, porque isto é o que lle agrada a Deus.

Hebreos 11:4

Movido pola fe, Abel ofreceu a Deus un sacrificio mellor có de Caín, e por mor dela deuse fe da súa rectitude; foi Deus quen deu fe dela por mor dos seus dons; e por mor da fe, aínda que xa morto, aínda segue falando.

Santiago 1:15

despois a cobiza concibe e pare o pecado; e o pecado, en consumándose, xera morte.

1 Pedro 2:5

sede tamén vós, coma pedras vivas, parte da construción do templo espiritual: para os cultos dun sacerdocio santo e para ofrecer ofrendas espirituais, aceptables a Deus por medio de Xesús Cristo.