Xénese 28:3 - Biblia SEPT

³ O Deus todopoderoso bendicirate, darache fecundidade e farate crecer; veraste convertido en moitas tribos.

Xénese 28:3 Iomraidhean Croise

Xénese 1:28

E bendiciunos así: —"Reproducídevos, crecede, enchede a terra e sometédea. Mandade nos peixes do mar, nos paxaros do ceo e nos réptiles todos da terra".

Xénese 13:16

Multiplicarei os teus descendentes coma o po. Se alguén contase o po, poderíaos contar a eles.

Xénese 17:20

En canto a Ismael, tamén te escoitarei. Bendicireino, dareille fecundidade e fareino crecer moito. Xerará doce príncipes e convertereino nun gran pobo.

Xénese 24:60

A Rebeca botáronlle esta bendición: "Ti, nosa irmá, que crezas por milleiros, que os teus descendentes se apoderen das cidades dos teus inimigos".

Xénese 26:24

Aquela mesma noite aparecéuselle o Señor e díxolle: —"Eu son o Deus de teu pai Abraham. Non teñas medo, pois eu estou contigo. Bendicireite e aumentarei a túa descendencia, por mor do meu servo Abraham".

Xénese 26:4

Farei crecer os teus descendentes como as estrelas do ceo, dareilles toda esta terra e por eles chamaranse benditas as nacións todas do mundo;

Xénese 27:33

Isaac tremeu desde os pés á cabeza, e preguntou: —"Entón quen foi o que cazou a caza e ma trouxo? Eu comín xa a fartar, antes que ti chegases, bendicino e bendito quedará".

Xénese 35:11

Deus engadiu: —"Eu son o Deus todopoderoso. Ti reprodúcete e medra. De ti sairá un pobo, ou unha chea de pobos, e reis nacerán das túas entrañas.

Xénese 41:52

O segundo chamouno Efraím: "Deus fíxome frutificar na terra da miña aflición".

Xénese 43:14

Que o Deus todopoderoso faga que teña dó de vós e deixe vir convosco a voso irmán e a Benxamín. Canto a min, se teño que quedar só, quedarei".

Xénese 48:3

E díxolle a Xosé: —"O Deus todopoderoso aparecéuseme en Luz, na terra de Canaán, e bendiciume.

Xénese 48:4

Díxome: Eu fareite fecundo, multiplicareite, trocareite nunha asemblea de pobos. Os teus descendentes dareilles esta terra en posesión duradeira.

Xénese 49:25

O Deus de teu pai é a túa axuda, o Deus todopoderoso bendí o teu ser con bendicións de arriba, do ceo, con bendicións de abaixo, do abismo, con bendicións de peitos e seo.

Xénese 9:1

Deus bendiciu a Noé e ós seus fillos: —"Crecede, reproducídevos e enchede a terra.

Salmos 127:1

Cántiga das subidas, de Salomón. Se o Señor non fai a casa, en balde se esforzan os canteiros. Se o Señor non garda a cidade, en balde vixían as sentinelas.

Salmos 127:3

Os fillos son a herdanza do Señor; o froito do ventre, o seu xornal.

Éxodo 1:7

os israelitas medraron, propagáronse, creceron, fixéronse moi fortes, enchían o país.

Éxodo 6:3

Aparecinme a Abraham, a Isaac e a Xacob co nome de Deus todopoderoso; pero non lles dei a coñecer o meu nome Iavé.

2 Corintios 6:18

Serei un pai para vós e vós seredes para min fillos e fillas, di o Señor que todo o sostén.

Apocalipse 21:22

Nela non vin santuario ningún, porque o seu santuario é o Señor Deus, que todo o sostén, e mais o Año.

RUT - A Biblia Galega (Ed. SEPT) 2:4

E velaquí que Boaz chegou de Belén e díxolles ós xornaleiros: —"Que o Señor sexa convosco!" E respondéronlle: —"Que o Señor te bendiga!"