Xénese 26:8 - Biblia SEPT

⁸ Cando levaban xa ben tempo no lugar, Abimélec, rei dos filisteos, ollou pola fiestra e viu a Isaac acariñando a Rebeca súa muller.

Xénese 26:8 Iomraidhean Croise

Xénese 26:7

A xente do lugar preguntáballe pola súa muller, e el respondía: —"É miña irmá". Tiña medo de confesar que era súa muller, pensando: —"Esta xente vaime matar por culpa de Rebeca". Porque era moi bela.

Xénese 26:9

Entón fíxoo chamar para dicirlle: —"Conque é túa muller. Por que me dixeches que era túa irmá?" Isaac respondeulle: —"Porque pensei: Vanme matar por culpa dela".

Proverbios 7:6

Por certo, estaba eu na fiestra da miña casa, ollando pola cancela,

Qohélet (Eclesiastés) 9:9

Goza da vida coa muller que amas todo o que dure a túa efémera existencia, a que se che concedeu baixo o sol, o total dos teus días efémeros! Tal é o teu quiñón de vida e de traballo polo que te afanas baixo o sol.

Cantares 2:9

Semella o meu amigo unha gacela ou un cerviño novo. Velaí que parou tralo noso muro, albisca polas fiestras, axexa polas reixas!

Isaías 62:5

Como casa un mozo cunha virxe, así casará contigo o teu Construtor. O gozo que sente o noivo pola noiva, sentirao o teu Deus por ti.

Xuíces 5:28

Pola fiestra ollaba e laiaba a nai de Sísera, polo cancelo. Por que o seu carro demora tanto en chegar?; por que van tan a modo as rodas dos seus carros?