Xénese 24:3 - Biblia SEPT

³ e xúrame polo Señor, Deus de ceo e terra, que non tomarás muller para meu fillo de entre as fillas dos Cananeos cos que habito,

Xénese 24:3 Iomraidhean Croise

Xénese 14:19

e bendiciu a Abram con estas palabras: —"Bendito sexa Abram polo Deus Altísimo, que fixo ceo e terra.

Xénese 14:22

Pero Abram respondeulle: —"Xuro polo Señor, o Deus Altísimo, que fixo ceo e terra,

Xénese 21:23

Xúrame, pois, por Deus aquí mesmo que non nos enganarás, nin a min, nin ós meus fillos, nin ós meus descendentes, senón que coa consideración con que eu te tratei a ti, hasme tratar ti a min e a esta terra á que viñeches".

Xénese 24:7

O Señor, Deus do ceo, que me tirou da casa de meus pais e do meu clan, e que me prometeu con xuramento: Os teus descendentes dareilles este país, mandará diante de ti o seu anxo, e encontrarás alí a muller para o meu fillo.

Xénese 27:46

Rebeca díxolle a Isaac: —"Dóeme a alma, por culpa destas hititas. Se tamén Xacob toma muller de entre elas, de entre as fillas deste país, de que me serve aínda vivir?"

Xénese 28:1

Isaac chamou a Xacob e bendiciuno. Coa mesma, deulle esta orde: —"Non tomes unha cananea por muller.

Xénese 28:8

Entón decatouse Esaú de que as cananeas lle desagradaban a seu pai Isaac.

Xénese 34:9

Emparentade connosco, dádenos das vosas fillas e vós tomade das nosas.

Xénese 38:2

Alí coñeceu unha muller cananea que se chamaba Xúa; tomouna e achegouse a ela.

Xénese 47:31

Dixo Xacob: —"Xúramo". El xuroullo. E Israel debruzouse na cabeceira do seu leito.

Xénese 50:25

Xosé fixo xurar ós fillos de Israel: —"Cando veña Deus vervos, levaredes convosco os meus ósos".

Xénese 6:2

En vendo os fillos de Deus que as fillas dos homes eran belas, tomaron de entre elas mulleres, como ben lles parecía.

Xénese 6:4

Cando os fillos de Deus se achegaban ás fillas dos homes e tiñan fillos delas, e aínda despois, existían na terra os xigantes. Son os nomeados heroes doutros tempos.

2 Reis 19:15

Ezequías fixo entón esta oración ó Señor: —"Señor, Deus de Israel, que sentas sobre os querubíns, soamente ti es Deus sobre todos os reinos da terra.

2 Crónicas 2:12

Mándoche, pois, agora a Hiramabí, home hábil, dotado de intelixencia;

Esdras 5:11

Velaquí a resposta que nos chegou: Nós somos os servidores do Deus dos ceos e da terra, e reconstruímos o templo que xa se construíra hai longos anos, o que un gran rei en Israel levantara e completara.

Nehemías 13:25

Rifeilles moito e maldicinos, zoupei nalgúns e tireilles dos cabelos; despois fíxenos xurar no nome do Señor: —"Non deades as vosas fillas ós seus fillos e non tomedes as súas fillas para vosos fillos nin para vós.

Nehemías 9:6

Ti es, Señor, o único Deus, que fixeches os ceos, os ceos dos ceos e todo o seu exército, a terra e canto nela se atopa, os mares e todo canto conteñen. Fuches ti quen lles deu vida a todos, e o exército dos ceos se prosterna diante de ti.

Salmos 115:15

Benditos sexades do Señor, que fixo o ceo e mais a terra.

Salmos 136:26

Loade o Deus dos deuses, porque o seu amor é eterno.

Éxodo 20:7

Non pronunciarás en van o nome do Señor o teu Deus, pois o Señor non deixa sen castigo ó que pronuncia en van o seu nome.

Éxodo 22:11

Pero se lle roubaron o animal á súa vista, terá que restituírllo ó seu dono.

Éxodo 23:13

Observade todo o que vos digo. Non invoquedes o nome doutros deuses; que nin sequera se sinta nos teus labios.

Éxodo 34:16

Non tomes de entre as súas fillas mulleres para os teus fillos, non sexa que ó prostituírense elas cos seus deuses, leven á prostitución tamén ós teus fillos.

Isaías 45:23

Xúroo por min mesmo: da miña boca sae —para cumprir o que é xusto— unha palabra que non se volve atrás: ante min dobrarase todo xeonllo, por min xurará toda lingua.

Isaías 48:1

Escoitade isto, casa de Xacob, os que se chaman co nome de Israel e saíron do sangue de Xudá, os que fan o xuramento polo nome de Iavé e nomean o Deus de Israel, sen verdade e sen xustiza.

Isaías 65:16

O que queira ser bendito coa felicidade na terra, ha de ser bendito polo Deus Amén. E o que queira facer un xuramento na terra, ha de xurar polo Deus Amén. Si, que se esquezan das aflicións pasadas, e certamente estarán escondidas da miña percepción.

Xeremías 10:11

Por iso habédeslles dicir: "Os deuses que non fixeron o ceo nin a terra desaparecerán da terra e de debaixo do ceo".

Xeremías 12:16

E sucederá que se aprenden ben a se comportar coma o meu pobo, xurando polo meu Nome, vive o Señor!, igual que eles lle ensinaron ó meu pobo a xurar por Baal, entón serán constituídos en pobo meu.

Xeremías 29:6

Casade e tende fillos e fillas, tratade de casar ós vosos fillos e ás vosas fillas, para que vos dean netos e netas; multiplicádevos aí, e non minguedes.

Xeremías 4:2

se xuras "Vive o Señor!" (con verdade, con xustiza e con dereito), El bendicirá por ti os pobos e cubriraos de gloria.

Levítico 19:12

Non xuraredes en falso no meu nome, sería aldraxar o nome do teu Deus. Eu son o Señor.

Sofonías 1:5

ós que se prostran nos tellados adorando ó exército do ceo, ós que se prostran xurando por Iavé e ó mesmo tempo xuran polo seu rei;

Números 5:21

(o sacerdote mandaralle facer o xuramento da maldición á muller, e diralle:) faga o Señor baixar contra ti a maldición, e fágate maldita no medio do teu pobo; que as túas pernas perdan as forzas e que inche o teu ventre;

1 Corintios 7:39

A muller está ligada ó seu home mentres el viva. Pero, se o home morre, queda libre para casar con quen ela queira, sempre que sexa cun cristián.

Deuteronomio 10:20

O Señor o teu Deus, respectarás, a El servirás e a El has de te apegar e prestar xuramento no seu nome.

Deuteronomio 6:13

O Señor, o teu Deus, has de respectar, a El has de adorar; e has de facer o xuramento, invocando o seu nome.

Hebreos 6:16

Os homes xuran sempre por quen é superior a eles; e o xuramento, por ser unha garantía, marca a fin de calquera litixio.

Xosué 2:12

E agora, volo suplico, xurádeme polo Señor que, xa que tiven misericordia convosco, habédela ter tamén vós coa casa de meu pai, e que me daredes un sinal seguro

Xuíces 14:3

E dixéronlle seu pai e mais a sua nai: —"E logo non terás entre as fillas de teus irmáns e entre todo o teu pobo unha muller para que vaias escoller esposa entre os incircuncisos filisteos?" E respondeu Sansón a seu pai: —"Pedídeme esa para min, pois é ela a que me gusta".

1 Samuel 20:17

E Ionatán renovoulle a David o xuramento, polo amor que lle tiña, pois queríalle coma a si mesmo.

1 Samuel 30:15

David preguntoulle aínda: —"Levaríasme onda esa banda?" El respondeulle: —"Se me xuras que non me matarás nin me porás nas mans do meu amo, levareite onde está a banda".