Xénese 22:1 - Biblia SEPT

¹ Despois destes feitos, Deus puxo á proba a Abraham, chamándoo: —"Abraham!" El respondeu: —"Aquí estou".

Xénese 22:1 Iomraidhean Croise

Xénese 15:1

Despois disto Abram oíu en visión palabra do Señor: —"Non teñas medo, Abram. Eu son para ti un escudo. O teu pago será moi grande".

Xénese 21:11

A cousa doeulle a Abraham, pois tratábase de seu fillo.

Xénese 22:11

Mais o anxo do Señor chamou desde o ceo: —"Abraham! Abraham!" El respondeu: —"Aquí estou".

Xénese 22:7

Isaac díxolle a seu pai: —"Meu pai!" El respondeu: —"Que queres, fillo?" O rapaz dixo: —"Levamos lume e leña. Pero onde está o año para o sacrificio?"

Xénese 37:13

Israel díxolle a Xosé: —"Teus irmáns estarán co gando en Xequem. Ven, que te vou mandar onda eles". Xosé respondeulle: —"Aquí me tes".

Xénese 46:2

Nunha visión, de noite, Deus chamou a Israel: —"Xacob! Xacob!" El respondeu: —"Aquí estou".

2 Samuel 24:1

O Señor anoxouse outra vez con Israel e encirrou a David para o seu castigo, dicíndolle: —"Anda, fai un censo de Israel e de Xudá".

2 Crónicas 32:31

e cando os príncipes de Babilonia lle enviaron mensaxeiros para se informaren do prodixio que sucedera no seu país, se Deus o abandonou foi para pólo á proba e coñecer as súas intencións.

Salmos 11:5

O Señor proba os xustos, pero aborrece o impío e violento.

Éxodo 16:4

O Señor díxolle a Moisés: —"Vou facer chover un pan do ceo para vós. O pobo sairá e collerá o que lle cumpra para o día. Quero poñelo á proba, para ver se anda ou non coa miña lei.

Éxodo 3:4

En vendo o Señor que Moisés se achegaba para ver, chamouno desde a silveira: —"Moisés! Moisés!" El respondeu: —"Aquí estou".

Proverbios 17:3

O crisol proba a prata; o forno, o ouro; e o Señor é quen proba os corazóns.

Isaías 6:8

Entón escoitei a voz do Señor que dicía: "A quen mandarei? Quen irá da nosa parte?". Entón díxenlle: "Aquí estou, mándame a min".

1 Corintios 10:13

E a vós non vos viñeron tentacións que superen as forzas humanas. Fiel é Deus, que non consentirá que teñades tentacións superiores ás vosas forzas: coa tentación havos dar tamén os medios para poder saír dela.

Deuteronomio 13:3

e se se cumpre o sinal ou o prodixio que che dixo, e logo el di: Camiñemos tralos deuses alleos que non coñecemos e deámoslles culto,

Deuteronomio 8:16

foi El quen che deu a comer no deserto o maná, que teus pais non coñecían, co fin de te aflixir e pórte a proba, para logo facerche ben no teu futuro.

Deuteronomio 8:2

Has de te lembrar do camiño polo que o Señor, o teu Deus, te fixo camiñar polo deserto durante estes corenta anos para aflixirte e pórte a proba e saber o que hai nas túas intencións: se ti querías gardar os seus mandamentos, ou non.

Hebreos 11:17

Pola fe Abraham, posto a proba, ofrendou a Isaac, o que recibira de Deus as promesas,

Santiago 2:21

Os feitos xustificaron ó noso pai Abraham, cando ofreceu o seu fillo Isaac enriba do altar, non si?

1 Pedro 1:7

Deste xeito, o xenuíno da vosa fe ten máis valía do que o ouro que, a pesar de ser pasadío, se aquilata no lume e considérase merecente de loanza, gloria e honra cando se revele Xesús Cristo.

Xuíces 2:22

para probar por medio delas a Israel: se van seguir polo camiño do Señor —para iren por el como foron seus pais—, ou non".

1 Samuel 3:4

O Señor chamou por Samuel e este respondeulle: —"Aquí estou". E, coa mesma, foi correndo onda Elí e díxolle: —"Aquí veño, pois chamáchesme".