Xénese 20:7 - Biblia SEPT

⁷ Agora vólvelle a muller a seu home que é profeta, e el pregará por ti para que vivas. Pero se non lla volves, ten por certo que morrerás, ti e todos os teus".

Xénese 20:7 Iomraidhean Croise

Xénese 12:15

Vírona tamén os cortesáns e gabáronlla ó faraón, de xeito que a muller foi levada ó pazo.

Xénese 12:17

Mais o Señor inflixiulles ó faraón e á súa corte grandes pragas, por causa de Sarai, muller de Abram.

Xénese 2:17

pero da árbore do coñecemento do ben e do mal non comerás, pois en canto comas dela de certo morrerás".

Xénese 20:18

pois Deus pechara todo útero na familia de Abimélec, por causa de Sara, muller de Abraham.

Xénese 20:3

Pero Deus aparecéuselle de noite nun soño a Abimélec e ameazouno: —"Vas morrer por causa da muller que tomaches, pois ten home".

Xénese 20:8

Abimélec ergueuse cedo, chamou a toda a súa xente e contoulles o que pasaba. Todos colleron moito medo.

Xénese 23:6

—"Escóitanos, señor: ti es para nós un príncipe de Deus. Enterra a túa finada no mellor dos nosos sepulcros. Ninguén de entre nós che negaría o seu sepulcro para que a enterres nel".

2 Samuel 24:17

Vendo David como o anxo mataba a xente do pobo, díxolle ó Señor: —"Mira que son eu o que pecou; eu teño a culpa. Pero este rabaño que culpa ten? Descarga a túa man sobre min e sobre a miña familia".

1 Reis 13:6

O rei pediulle ó home de Deus: —"Aplaca ó Señor, teu Deus, e rézalle por min, para que sande a miña man". O home de Deus aplacou ó Señor, e a man do rei volveu a ter movemento e quedou coma antes.

2 Reis 5:11

Naamán enfadouse, e marchábase, dicindo: —"Eu pensei que sairía el mesmo ó meu encontro, que se poría a invocar o nome do Señor, seu Deus, que pasaría logo a súa man sobre a parte doente e que con iso me libraría da miña enfermidade.

1 Crónicas 16:22

Non toquedes os meus unxidos, non fagades mal ós meus profetas.

2 Crónicas 30:18

Gran número de persoas, na súa maioría de Efraím, Menaxés, Isacar e Zebulón, non observaron o prescrito e comeron a Pascua sen se purificaren. Pero Ezequías intercedeu por eles dicindo: —"O Señor, que é bo, perdoe a todos os que serven de corazón a Iavé,

XOB - A Biblia Galega (Ed. SEPT) 34:19

A El, que cos principais non ten favoritismo, que non se pon da parte do podente contra o pobre, pois todos eles son obra das súas mans.

XOB - A Biblia Galega (Ed. SEPT) 42:8

Collede logo sete vacas e sete carneiros e ide onda o meu servo Xob, para que os ofreza por vós en holocausto; e que o meu servo Xob pregue por vós, para que eu vos sexa propicio e non faga convosco un escarmento, porque non falastes de min o que era debido coma fixo o meu servo Xob.

Salmos 25:14

O segredo do Señor é para os que o temen, e instrúeos coa súa alianza.

Éxodo 18:17

O sogro aconselloulle: —"Non está ben o que fas.

Éxodo 4:16

El falará por ti ó pobo. Será o teu voceiro e ti serás para el coma Deus.

Éxodo 7:1

O Señor díxolle a Moisés: —"Voute pór no lugar de Deus para o faraón, e teu irmán Aharón será o teu profeta.

Xeremías 14:11

E o Señor díxome a min: —Non intercedas por este pobo para o seu ben,

Xeremías 15:1

Díxome o Señor: Aínda que Moisés e Samuel intercedesen ante min, eu non estaría por este pobo. Bótaos fóra da miña presenza, que se vaian.

Xeremías 27:18

Se eles son profetas, se a palabra do Señor está da súa parte, que intercedan ante o Señor dos Exércitos para que non vaia a Babilonia o resto dos utensilios que quedaron no templo do Señor, no palacio do rei e en Xerusalén.

Ezequiel 3:18

Se eu lle digo ó malvado "vas morrer", e ti non o avisas isto é, non falas avisando ó malvado de que deixe o seu ruín comportamento, para que el viva, el, sendo malvado, morrerá por culpa da súa iniquidade; pero a ti pedireiche contas do seu sangue.

Ezequiel 33:8

Cando eu lle diga ó malvado: "Malvado, vas morrer", se ti non lle falas para avisalo do seu destino, el, o malvado, morrerá pola súa culpa; pero a ti pediránseche contas do seu sangue.

Levítico 6:4

Espirá a roupa que leva, e vestirá outra; despois levará as cinsas fóra do campamento a un lugar puro.

Levítico 6:7

Este é o regulamento da oblación: Os fillos de Aharón presentarana no altar diante do Señor.

Feitos 8:24

Simón respondeu: Rezade vós por min ó Señor, para que non me acaia nada do que acabades de dicir.

1 Corintios 14:4

Quen fala co don de linguas edifícase a si, pero quen profetiza edifica a comunidade.

Hebreos 1:1

En moitas ocasións e de moitos xeitos veulles falando Deus en tempos pasados ós nosos devanceiros por medio dos profetas.

Hebreos 13:4

O matrimonio é merecente de todos os respectos e o leito matrimonial ten que ser inmaculado, xa que Deus ha condenar os desvergonzados e adúlteros.

1 Xoán 5:16

Se alguén ve que o seu irmán peca con pecados que non levan á morte, que rece por el e Deus daralle a vida. Refírome ós que cometeron pecados que non levan á morte. Porque hai un pecado que leva á morte; e non é por este polo que eu digo que se rece.

1 Samuel 12:19

díxolle a este: —"Pídelle ó Señor, o teu Deus, para que estes teus servos non morramos, pois ós pecados que xa tiñamos, engadimos agora a maldade de pedir un rei".

1 Samuel 12:23

En canto a min, líbreme Deus do pecado de deixar de pregar por vós e de mostrarvos o bo camiño.

1 Samuel 7:5

Samuel mandoulles entón: —"Reunide en Mispah a todo Israel e pregareille ó Señor por vós".

1 Samuel 7:8

E dixéronlle a Samuel: —"Roga, sen descanso, por nós ó Señor, noso Deus; que nos libre el da man dos filisteos".