Xénese 2:2 - Biblia SEPT

² Deus concluíu no día sexto a obra que emprendera, e o sétimo día repousou de todo o seu traballo.

Xénese 2:2 Iomraidhean Croise

Xénese 1:31

Viu Deus canto fixera e era de verdade moi bo. E completouse o sexto día.

Xénese 2:3

Deus bendiciu o sétimo día e consagrouno: nese día repousou de todo o traballo de crear.

Éxodo 23:12

Seis días traballarás, e o sétimo descansarás, para que descanse o teu boi e o teu asno, e para que teñan un respiro o teu servo e o forasteiro.

Éxodo 31:15

Seis días traballarás, pero o sétimo, sábado, é día de lecer, consagrado ó Señor. O que traballe en día de sábado será reo de morte.

Éxodo 31:17

Será sinal duradeiro entre min e os israelitas, pois en seis días fixo o Señor o ceo e a terra, e o sétimo descansou".

Isaías 58:13

Se apartas o teu pé do sábado, de faceres o que ti queres no meu día santo, se lle chamas ó sábado: "Delicia"; ó día santo do Señor: "Venerable", e se o veneras, deixando de facer as túas viaxes, de atopar os teus negocios e de tratar os teus asuntos,

Xoán 5:17

Xesús respondeulles: O meu Pai ata o presente está sempre a traballar; eu tamén traballo.

Deuteronomio 5:14

pero o día sétimo é sábado, o descanso para o Señor, o teu Deus. Non farás ningún traballo, nin ti nin o teu fillo nin a túa filla, nin o teu criado nin a túa criada, nin o teu boi nin o teu burro, nin ninguén dos teus animais, nin o estranxeiro que está nas túas cidades; deste xeito, descansarán o teu servo e mais a túa serva o mesmo ca ti.

Hebreos 4:10

porque quen entrou no acougo de Deus descansa dos seus traballos, o mesmo que Deus descansou tamén dos seus.

Hebreos 4:4

pois, nalgún sitio fálase así do sétimo día: "E o sétimo día descansou Deus de todo o seu traballo".