Xénese 18:26 - Biblia SEPT

²⁶ O Señor respondeu: —"Se houbese cincuenta xustos en Sodoma, perdoaría a toda a cidade por mor deles".

Xénese 18:26 Iomraidhean Croise

Xénese 18:17

O Señor dixo para si: —"Voulle esconder a Abraham o que penso facer?

Isaías 10:22

Aínda que o teu pobo, Israel, fose coma a area do mar, soamente un resto volverá a El. A destrución está decidida, desbordante de xustiza.

Isaías 19:24

No día aquel Israel será igual ca Exipto e Asiria, será causa de bendición no medio da terra,

Isaías 6:13

E se aínda queda nel a décima parte, volverá a ser leña para o lume. O mesmo que ó cortar a aciñeira e o carballo se lles deixa o coto, así o coto do pobo será semente santa.

Isaías 65:8

Así fala o Señor: "O mesmo que se atopa mosto no acio, e se di: non o destrúas, que hai bendición dentro del, así farei cos meus servos: non os destruirei a todos.

Xeremías 5:1

Percorrede as rúas de Xerusalén, ollade ben e fixádevos, esculcade as súas prazas por se atopades a alguén, por se hai quen faga o que é xusto, quen busque a verdade, así eu perdoarei a cidade.

Ezequiel 22:30

Eu busquei entre eles un que volva a levantar a muralla, que se manteña na brecha diante de min, por mor do país, para que eu non o destrúa, e non o atopo.

Mateo 24:22

E, de non se abreviaren aqueles días, ninguén sairía con vida; pero por mor dos elixidos han ser abreviados.