Xénese 1:11 - Biblia SEPT

¹¹ Mandou Deus que a terra xermolase herba verde, plantas coa súa semente e árbores que desen froitos, cada unha coa súa semente, conforme á súa especie. E así foi.

Xénese 1:11 Iomraidhean Croise

Xénese 1:12

A terra xermolou herba verde, plantas coa súa semente, árbores que daban froito, cada unha coa súa semente. E viu Deus que estaba ben.

Xénese 1:29

E díxolles aínda: —"Aí vos dou as herbas todas que hai na terra, coa súa propia semente, e todas as árbores que dan froito coa súa propia semente: serviranvos para a mantenza".

Xénese 2:16

E deulle esta orde: —"Podes comer do froito das árbores todas do xardín

Xénese 2:5

na terra non había aínda ramallada nin xermolaba herba no campo, porque o Señor Deus non fixera chover sobre a terra nin existía o home que traballase o agro.

Xénese 2:9

Fixo xermolar da terra árbores fermosas para a vista e boas para comer, e entre elas a árbore da vida e a árbore do coñecemento do ben e do mal.

XOB - A Biblia Galega (Ed. SEPT) 28:5

A terra da que saen os alimentos ferve no fondo coma lume;

Salmos 1:3

É coma árbore plantada onda os regueiros: dá froito ó seu tempo, as súas follas non murchan, e todo o que fai acaba ben.

Salmos 147:8

El cobre o ceo de nubes e dispón a chuvia para a terra; fai saír herba nos montes,

Isaías 61:11

Pois, como a terra fai saír os seus gromos, e como un horto fai brotar as súas sementeiras, así o Señor Iavé fará brotar a xustiza, e a loanza ante todos os pobos.

Xeremías 17:8

Será coma unha árbore transplantada xunto á auga, que bota as súas raíces para o regueiro; non notará cando veña a seca, e a súa follaxe estará frondosa; nos anos de seca non terá preocupacións, pois non deixará de dar froito.

Mateo 3:10

Xa está a machada posta contra a raíz das árbores, e toda árbore que non dea froito cortarase e botarase ó lume.

Mateo 6:30

Pois se á herba do campo, que hoxe verdea e mañá será botada ó forno, Deus así a viste, canto máis non fará por vós, homes de pouca fe?

Marcos 4:28

A terra vai dando froito por si mesma: primeiro herba, logo espigas, e por último o gran ben abundante na espiga.

1 Corintios 15:38

Deus é quen lle dá o corpo que lle parece: a cada semente o seu.

Hebreos 6:7

Pásalles igual ca unha terra que se enchoupa con chuvias frecuentes e que lles dá unha boa herba ós que a traballan: recibe parte da bendición que Deus manda;

Santiago 3:12

Meus irmáns, é que pode dar olivas a figueira ou figos a videira? E tampouco unha fontela salgada pode dar auga doce.