RUT - A Biblia Galega (Ed. SEPT) 3:9 - Biblia SEPT

⁹ E dixo el: —"Quen es ti?" Respondeulle ela: —"Son Rut, a túa serva: estende as túas ás sobre a túa serva, pois es o seu redentor".

RUT - A Biblia Galega (Ed. SEPT) 3:9 Iomraidhean Croise

Ezequiel 16:8

Volvín pasar onda ti e fixeime en ti: Velaí, a túa idade era a idade do namoro; estendín o meu manto sobre ti e cubrín a túa nudez; comprometinme contigo con xuramento, e entrei en alianza contigo —é o meu Señor, Iavé, quen fala— e fuches miña.

Lucas 14:11

Porque a quen se ten por moito, hano rebaixar e a quen se rebaixe hano enaltecer.

RUT - A Biblia Galega (Ed. SEPT) 2:20

E díxolle Noemí á nora: —"Bendito sexa do Señor, pois non esqueceu a súa piedade cos vivos nin cos mortos". E engadiu: —"Ese home é o noso parente, un dos nosos goeles".

RUT - A Biblia Galega (Ed. SEPT) 3:10

E el exclamou: —"Bendita sexas do Señor, miña filla!: este teu novo acto de piedade foi aínda mellor có primeiro, pois non fuches detrás dos mozos (xa fosen pobres ou ricos).

RUT - A Biblia Galega (Ed. SEPT) 3:12

Agora ben, é certo que eu son o teu redentor; pero tamén é verdade que hai un redentor máis achegado ca min.

RUT - A Biblia Galega (Ed. SEPT) 3:8

E aconteceu arredor da media noite que o home arrefría; e, ó virarse, apercibiuse de que había unha muller deitada ós seus pés.

RUT - A Biblia Galega (Ed. SEPT) 4:4

E eu resolvín: teño que llo facer saber...! Daquela dígoche: mércaa, diante dos veciños e diante dos anciáns do meu pobo, se queres de verdade facer de redentor. E se non vas facer de redentor, dimo, pois seica non hai antes ca ti outro responsable, e eu son o que te segue". E díxolle o outro: —"Redimo eu".

RUT - A Biblia Galega (Ed. SEPT) 4:6

E dixo o redentor: —"Non me é posible facer de protector sen danar a miña herdanza: que pase a ti a prioridade e ti redimirás, pois a min non me é doado redimir".

1 Samuel 25:41

Ela deitouse no chan e respondeulles: —"Aquí está a túa serva, disposta a lavar os pés dos criados do meu señor".