Números 32:1 - Biblia SEPT

¹ Os fillos de Rubén e os fillos de Gad posuían numerosos rabaños, moi importantes, e tras contemplar o país de Iazer e o de Galaad, viron que o lugar era sitio propio para rabaños.

Números 32:1 Iomraidhean Croise

Xénese 13:2

Abram era moi rico en gandos, en prata e en ouro.

Xénese 13:5

Lot ía con Abram e era tamén rico en rabaños, en gandos e en tendas.

Xénese 29:32

Lea quedou embarazada e deu a luz un fillo, ó que puxo por nome Rubén, porque dicía: —"O Señor ollou para a miña aflición, e agora quererame o meu home".

Xénese 47:4

E engadiron: —"Viñemos buscar asento nesta terra, pois en Canaán faltan pastos para os rabaños dos teus servos, e a fame pesa por alá. Deixa ós teus servos asentarse na bisbarra de Goxén".

2 Samuel 24:5

Atravesaron o Xordán e comezaron por Aroer, ó sur da cidade que está no medio da valgada, e dirixíronse a Gad e a Iazer.

2 Samuel 24:6

Chegaron a Galaad e ó país dos hititas en Cadex. Logo foron a Dan e de alí deron a volta cara a Sidón.

1 Crónicas 4:41

Estes, descritos polos seus nomes, viñeron en tempos de Ezequías, rei de Xudá, atacaron as súas tendas e os mineos que atoparon alí destruíronos ata hoxe, habitando no sitio deles, por haber alí pasto para o seu gando.

Éxodo 12:38

Con eles ía tamén unha multitude de xente mesturada, e rabaños de ovellas e de vacas e gando en grande cantidade.

Xeremías 22:6

Así fala o Señor contra o palacio real de Xudá: —Ti es para min coma Galaad, coma o cume do Líbano; pero olla que te vou converter nun deserto, en cidade deshabitada;

Xeremías 48:32

Máis cós choros por Iazer, chorarei eu por ti, viña de Sibmah: os teus bacelos traspasan o mar, máis aló do mar chega a túa axuda; pero o devastador caerá sobre a túa colleita e a túa vendima.

Xeremías 50:19

Traerei a Israel ó seu pasteiro e pastará no Carmelo e en Baxán, nas montañas de Efraím e en Galaad; fartarase a súa gorxa.

Xeremías 8:22

Non hai bálsamo en Galaad? Non hai alí curandeiro? Como é que non cerra a ferida da filla do meu pobo?

Miqueas 7:14

Pastorea ó teu pobo co teu caxato, o rabaño da túa herdanza, que vive solitario na foresta, no medio dunha fértil camposa. Que pazan en Baxán e Galaad, coma nos días doutros tempos.

Números 21:32

Moisés mandou explorar Iaser, e conquistárona coas súas vilas de arredor, expulsando ós amorreos que moraban alí.

Números 32:2

Viñeron, pois, os fillos de Gad e os de Rubén e dixéronlles a Moisés, ó sacerdote Elazar e ós príncipes da comunidade:

Números 32:26

Os nosos fillos, as nosas mulleres, os nosos rabaños e todo o noso gando ficarán aí, nas cidades de Galaad;

Números 32:3

—"Atarot, Dibón, Iazer, Nimrah, Hexbón, Elaleh, Sibmah, Nebó e Beón,

Números 32:35

Atarot-Xofán, Iazer, Iogbohah,

Deuteronomio 33:21

Viu as primicias que son para el; si, alí está ben gardada a parte prescrita, logo chegou onda os xefes do pobo, cumpriu a xustiza do Señor, os seus decretos cumpriunos con Israel.

Xosué 13:25

E foron os lindeiros deles Iazer e todas as cidades de Galaad, e a metade do país dos fillos de Amón ata Aroer, que está enfronte de Rabah;

Xosué 22:13

E enviaron os fillos de Israel onda os fillos de Rubén e os fillos de Gad e a media tribo de Menaxés, na terra de Galaad, a Pinhás, fillo do sacerdote Elazar,

Xosué 22:9

Daquela volveron os fillos de Rubén, os fillos de Gad e a media tribo de Menaxés, e deixaron Xiloh, onde estaban os fillos de Israel, na terra de Canaán, para se dirixiren á terra de Galaad, á terra da súa herdanza, que tiñan asignada pola palabra que dera o Señor por medio de Moisés.

1 Xoán 2:16

Porque todo o que hai no mundo as inclinacións ó mal, os ollos que endexamais nunca se enchen e o orgullo que dá ter moitos cartos non vén do Pai, senón que vén do mundo.

Xuíces 5:16

Por que ficas entre os curros, para escoitar os asubíos dos pastores? Nos clans de Rubén houbo grandes perplexidades no corazón.