Números 3:16 - Biblia SEPT

¹⁶ Moisés fixo o censo conforme a palabra do Señor, tal como lle ordenara facer.

Números 3:16 Iomraidhean Croise

Xénese 45:21

Os fillos de Israel cumpriron o mandado. Seguindo a orde do faraón, Xosé proveunos de carros e de provisións para a viaxe.

Números 3:15

—"Alista a todos os fillos de Leví por casas patriarcais e por familias, a todos os varóns desde un mes para arriba".

Números 3:17

Estes son os fillos de Leví polo seu nome: Guerxón, Quehat e Merarí.

Números 3:39

O número de todos os levitas anotados por Moisés e Aharón, conforme a palabra do Señor, segundo a súa familia, todos os varóns de máis dun mes, sumaron un total de 22.000.

Números 3:51

E Moisés deulles o diñeiro do rescate a Aharón e a seus fillos, tal como llo mandara o Señor.

Números 4:27

Conforme as ordes de Aharón e de seus fillos, distribuiranse os cargos dos fillos de Guerxón con todas as funcións e servizos correspondentes, que lles encomendaredes en cada caso.

Números 4:37

Estes son os censados da familia de Quehat que Moisés e Aharón dedicaron ó servizo da Tenda do Encontro conforme as ordes do Señor, baixo a autoridade de Moisés.

Números 4:41

Estes son os contados por familias de entre os fillos de Guerxón, todos os que servían na Tenda do Encontro, que censaron Moisés e Aharón segundo as ordes do Señor.

Números 4:45

Estes son os censados da familia de Merarí, que anotaron Moisés e Aharón seguindo as ordes do Señor, baixo a autoridade de Moisés.

Números 4:49

Conforme as ordes do Señor, Moisés censounos un por un, segundo os servizos que debían desempeñar. Os designados foron aqueles que o Señor lle mandara a Moisés.

Deuteronomio 21:5

Os sacerdotes, fillos de Leví, aproximaranse, pois escolleunos o Señor, o teu Deus, para servilo, para bendicir no Nome do Señor e para que calquera litixio e calquera caso de morte se resolva coa súa declaración;