Números 23:1 - Biblia SEPT

¹ Díxolle Balaam a Balac: —"Edifícame aquí sete altares e prepárame neste lugar sete touros e sete carneiros".

Números 23:1 Iomraidhean Croise

2 Reis 18:22

Pero se dicides: confiamos no Señor, noso Deus, non eran seus os outeiros e os altares que derrubou Ezequías, mandándolle a Xudá e a Xerusalén que adorasen soamente diante do altar de Xerusalén?

1 Crónicas 15:26

E por axudar Deus ós levitas que levaban a arca da alianza de Iavé, sacrificáronse sete xatos e sete carneiros.

2 Crónicas 29:21

Levaron sete touros, sete carneiros, sete años e sete machos cabrúns coma sacrificio expiatorio pola monarquía, polo santuario e por Xudá. Logo ordenou ós sacerdotes aharonitas que os ofrecesen sobre o altar do Señor.

XOB - A Biblia Galega (Ed. SEPT) 42:8

Collede logo sete vacas e sete carneiros e ide onda o meu servo Xob, para que os ofreza por vós en holocausto; e que o meu servo Xob pregue por vós, para que eu vos sexa propicio e non faga convosco un escarmento, porque non falastes de min o que era debido coma fixo o meu servo Xob.

Éxodo 20:24

Faime un altar de terra e ofréceme sobre el os holocaustos e os sacrificios de comuñón, as túas ovellas e as túas vacas. En calquera sitio onde eu faga o meu nome memorable, virei onda ti e bendicireite.

Proverbios 15:8

Aborrece o Señor a ofrenda dos impíos, mais a pregaria dos rectos acada o seu favor.

Ezequiel 33:31

Veñen onda ti coma ás xuntanzas do pobo. Así os do meu pobo sentan na túa presenza; escoitan as túas palabras, pero cumprir, non as cumpren; coas súas bocas están facendo promesas de amor, pero os seus corazóns van tralas inxustas ganancias.

Ezequiel 45:23

Durante os sete días de festa, ofreceralle ó Señor, cada día, un holocausto de sete becerros e sete carneiros, sen defecto. Durante os sete días tamén ofrecerá, cada día, un sacrificio de expiación polo pecado, un chibo,

Números 22:41

A mañá seguinte, Balac tomou a Balaam e fíxoo subir a Bamot-Baal, desde onde se vía o extremo do pobo.

Números 23:2

Balac fixo como Balaam dixera e ofreceu un touro e un carneiro sobre cada altar.

Números 23:29

Balaam díxolle a Balac: —"Constrúeme aquí sete altares e prepárame sete touros e sete carneiros".

Números 23:30

Balac fixo conforme Balaam lle indicara, e ofreceu un touro e un carneiro en cada altar.

Números 29:32

No día sétimo: sete xovencos, sete carneiros, catorce años dun ano sen defecto;

Mateo 23:13

Ai de vós, letrados e fariseos hipócritas, que lles pechades ós homes o Reino dos Ceos! Nin entrades vós nin deixades entrar ós que o intentan.

Xudas 1:11

Pobres deles! Colleron polo camiño de Caín e polos cartos deixáronse caer no erro de Balaam e morreron na revolta de Coré.

1 Samuel 15:22

Samuel dixo entón: —"Quere o Señor holocaustos e sacrificios ou prefire que o obedezan? Certamente a obediencia vale máis cós sacrificios, a docilidade, máis có lardo dos carneiros.