Números 14:2 - Biblia SEPT

² Todos os fillos de Israel murmuraron contra Moisés e Aharón, e toda a xente dicía: —"Oxalá morrésemos no país do Exipto! Oxalá morrésemos neste deserto!

Números 14:2 Iomraidhean Croise

1 Reis 19:4

El seguiu polo deserto, un día de camiño. Alí foi sentar debaixo dunha xesta, e pediu a morte, dicindo: —"Xa chega, Señor. Quítame a vida, pois non vallo eu máis cós meus pais".

XOB - A Biblia Galega (Ed. SEPT) 3:11

Por que non morrín eu fóra do seo, ó saír do útero non expirei?

Salmos 106:24

Desprezaron a terra cobizable, non creron na súa palabra.

Salmos 106:25

Murmuraron nas súas tendas, e non obedeceron ó Señor.

Salmos 106:45

Lembraba a alianza en favor deles e, no seu amor, compadecíase.

Éxodo 14:11

Dixéronlle a Moisés: —"Seica non había sepulturas en Exipto, para que nos fixeses vir morrer no deserto? Que ben nos fixeches con sacáresnos de Exipto?

Éxodo 15:24

O pobo murmuraba contra Moisés e preguntaba: —"Que imos beber?"

Éxodo 17:3

Pero o pobo, sedento, seguía queixándose por auga a Moisés: —"Por que nos sacaches de Exipto, para facernos morrer de sede, a nós, ós nosos fillos e á nosa habenza?"

Xonás 4:3

Pois agora, Señor, tírame a vida, pídocho!; porque para min é mellor morrer que vivir.

Xonás 4:8

Cando o sol apertaba, mandou Deus un abrasador vento soán, e o sol deulle na cabeza a Xonás, que se sentía esmorecer. Entón desexou con ansia a morte e dixo: Éme mellor morrer que vivir.

Números 11:1

Aconteceu que o pobo comezou a queixarse a oídas do Señor. Oíuno o Señor, e alporizouse. O lume do Señor acendeuse contra aquel, e devorou un extremo do campamento.

Números 11:15

Se ti me tratas a min así, é mellor que me mates, tírame a vida, pídocho de favor, se atopei graza ós teus ollos, para que deste modo non vexa eu tanto mal".

Números 11:5

Lembrámonos do peixe, que de balde comiamos en Exipto, dos cogombros, dos melóns, dos allos porros, das cebolas e dos allos.

Números 14:1

Todo aquel xentío se puxo a berrar, laiándose, e pasou toda a noite chorando.

Números 14:22

todos aqueles homes que viron a miña Gloria e os prodixios que fixen no Exipto e no deserto, e me tentaron xa por dez veces, sen escoitaren a miña voz,

Números 16:13

É pouco obrigarnos a subir dun país que deita leite e mel, e facernos morrer no deserto, para que, enriba, pretendas tamén señorearte de nós?

Números 17:6

O día seguinte, toda a comunidade dos fillos de Israel murmurou contra Moisés e Aharón, dicindo: —"Vós matastes o pobo do Señor!"

Números 20:2

Como non había auga para a comunidade, xuntáronse contra Moisés e contra Aharón.

Números 20:3

O pobo levantouse contra Moisés e laiouse con berros, dicindo: —"Oxalá perecésemos, cando pereceron os nosos irmáns diante do Señor!

Números 20:4

Para que fixestes vir á comunidade do Señor a este deserto, para morrermos nel nós e o noso gando?

Números 21:5

E murmuraba o pobo contra Deus e contra Moisés: —"Por que nos fixestes saír de Exipto para morrermos no deserto, pois falta o pan, non hai auga, e a nosa alma sente noxo dese alimento tan miserable?"

1 Corintios 10:10

Nin murmuredes, coma algúns deles e pereceron vítimas do Exterminador.

Deuteronomio 1:27

Levantastes calumnias baixo as vosas tendas, dicindo: Polo odio que o Señor nos ten, foi polo que nos sacou do país de Exipto, para nos entregar ao poder dos amorreos, para que nos fagan desaparecer.

Deuteronomio 9:23

E cando o Señor vos mandou saír de Cadex Barnea, dicíndovos: Subide e tomade posesión da terra que eu vos entreguei, vós rebelástesvos contra a orde da boca do Señor, voso Deus; non vos fiastes del nin lle fixestes caso á súa voz.

Hebreos 3:16

Pero quen foron os que se rebelaron, cando oíron? Acaso non foron todos os que, grazas a Moisés, saíron de Exipto?

Xudas 1:16

Sonvos murmuradores, ándanse a queixar decote, camiñan seguindo as súas cobizas, os seus labios pronuncian verbas abraiantes, afagan as persoas buscando o propio interese.