Números 12:2 - Biblia SEPT

² Dixeron: —"Por ventura o Señor lle falou a el só? Non nos ten falado tamén a nós? E chegou isto ós oídos do Señor".

Números 12:2 Iomraidhean Croise

Xénese 29:33

Quedou de novo embarazada, deu a luz outro fillo e exclamou: —"O Señor oíu que era aborrecida e deume estoutro". E púxolle de nome Simeón.

2 Samuel 11:27

Pasado o tempo do loito, David mandou que viñese á súa casa e tomouna por muller. Ela deulle un fillo. Pero a acción de David non compraceu ó Señor.

2 Reis 19:4

Quizais o Señor, o teu Deus, escoitou as palabras do copeiro maior, a quen o seu amo, o rei de Asiria, mandou para aldraxar o Deus vivo, e quizais o castigue o Señor, teu Deus, polas palabras que escoitou. Ti reza por este resto que queda aínda".

Éxodo 4:14

O Señor enfadouse con Moisés e díxolle: —"Non está aí teu irmán Aharón, o levita? Eu sei que el é un home de palabra fácil. El sairá ó teu encontro e alegrarase de verte.

Éxodo 4:30

Aharón referíullelo que o Señor lle dixera a Moisés, e este fixo á vista do pobo os sinais.

Éxodo 5:1

Moisés e Aharón presentáronse ó faraón para lle dicir: —"Isto di Iavé, o Deus de Israel: Deixa saír o meu pobo, para que celebre a miña festa no deserto".

Éxodo 7:10

Moisés e Aharón entraron onda o faraón e fixeron o que o Señor lles tiña ordenado. Aharón botou a vara diante do faraón, e converteuse en serpe.

Proverbios 13:10

O testalán fai xurdir liortas coa súa fachenda, a sabedoría está cos que se aconsellan.

Isaías 37:4

Quizais o Señor, o teu Deus, oíu as palabras do ministro do tesouro que o rei de Asiria mandou para insultar o Deus vivente e o queira castigar polas palabras que o Señor, o teu Deus, escoitou. Fai, pois, subir unha oración polo resto que aínda queda".

Miqueas 6:4

Si, fíxente subir do país de Exipto, e rescateite da escravitude, e mandei á túa fronte a Moisés, a Aharón e a Miriam.

Números 11:1

Aconteceu que o pobo comezou a queixarse a oídas do Señor. Oíuno o Señor, e alporizouse. O lume do Señor acendeuse contra aquel, e devorou un extremo do campamento.

Números 11:29

Mais Moisés respondeulle: —"Tes celos por min? Quen dera que todo o pobo do Señor fosen profetas, e que o Señor lles dese o seu espírito!"

Números 12:3

Era Moisés un home moi humilde, máis ca todos os homes que había na terra.

Números 16:3

Subleváronse contra Moisés e contra Aharón, e dixéronlles: —"Xa é abondo! Toda a comunidade é santa, todos eles o son, e no medio deles está o Señor. Por que vos elevades vós sobre a comunidade do Señor?"

Romanos 12:10

sede cariñosos uns cos outros, coma irmáns; competide na estima mutua;

Romanos 12:3

En virtude da graza que se me deu, dígovos, por tanto, a todos e a cada un de vós: que ninguén se teña por máis do que convén, senón que un se teña no que se debe ter, conforme á medida da fe que Deus lle deu a cadaquén.

Filipenses 2:14

Facede todas as cousas sen rosmar nin discutir,

Filipenses 2:3

Non fagades nada á retesía nin por fachenda. Que cadaquén pense humildemente que os outros son máis ca el.

1 Pedro 5:5

Tamén os mozos habedes ser ben guiados cos responsables. No trato cos demais revestídevos todos vós dun pensar humilde, porque Deus oponse ós soberbios, pero concédelles a graza ós humildes.