Lucas 8:25 - Biblia SEPT

²⁵ Díxolles despois: Onde está a vosa fe? Eles, sorprendidos e admirados, dicían entre eles: Pero, quen é este, que manda nos ventos e na auga?

Lucas 8:25 Iomraidhean Croise

Proverbios 30:4

Quen ascendeu ó ceo e de alí baixou? Quen recolleu o vento nos seus puños? Quen envolveu as augas no seu manto? Quen afincou os lindeiros da terra? Cal é o seu nome e cal o de seu fillo, acaso o sabes?

Proverbios 8:29

cando lle impuxo os lindes ó mar de xeito que as augas non incumprisen o seu mandato, cando fixaba os alicerces da terra,

Mateo 14:31

Axiña Xesús, dándolle a man, agarrouno e díxolle: Home de pouca fe, por que dubidas?

Mateo 17:20

El respondeulles: Pola vosa pouca fe. E asegúrovos que se tivésedes sequera unha fe coma un gran de mostaza, diriádeslle a este monte: "vai de aquí para alá", e o monte había ir. E nada sería imposible para vós.

Mateo 6:30

Pois se á herba do campo, que hoxe verdea e mañá será botada ó forno, Deus así a viste, canto máis non fará por vós, homes de pouca fe?

Mateo 8:10

A Xesús chamoulle moito a atención oír aquilo, e díxolles ós que o seguían: Asegúrovos que non atopei a ninguén cunha fe tan grande en todo Israel.

Mateo 8:26

El díxolles: Por que vos acovardades, homes de pouca fe? E poñéndose de pé increpou os ventos e mais o mar, e veu unha grande calma.

Marcos 4:35

E naquel día á caída da noite, díxolles: Ora, vamos para a banda de alá.

Lucas 12:28

Pois se a herba do campo, que hoxe verdea e mañá a botamos no forno, Deus a veste así, canto máis non fará convosco, homes de pouca fe!

Lucas 8:24

Achegáronse a espertalo, dicíndolle: Mestre, que afogamos! El espertou, e berroulles ó vento e ás ondas. Amainaron e veu unha gran calma.

Lucas 8:26

Arribaron ó país dos xerasenos, que está en fronte de Galilea.

Xoán 11:40

Xesús contestoulle: Non che dixen que se cres, verás a gloria de Deus?