Lucas 8:15 - Biblia SEPT

¹⁵ Os da terra boa, son aqueles de bo e xeneroso corazón, que escoitando a Palabra, retéñena, producindo froito coa súa perseveranza.

Lucas 8:15 Iomraidhean Croise

Salmos 119:11

No meu corazón escondo os teus ditos, para non pecar ante ti.

Salmos 51:10

Faime sentir o gozo e a ledicia, que relouquen os meus ósos quebrantados.

Proverbios 3:1

Filliño, non esquezas o meu ensino e garda no ánimo os meus mandatos

Xeremías 15:16

Cando había palabras túas, eu devorábaas, as túas palabras eran para min unha alegría, e a ledicia do meu corazón; olla que Ti mesmo invocaches o teu Nome sobre min, Señor Deus dos Exércitos.

Xeremías 31:33

Velaquí o pacto que eu hei pactar coa casa de Israel despois deses días —é o Señor quen fala—: Hei meter a miña lei nas súas entrañas, escribireina nos seus corazóns, serei para eles o seu Deus, e eles serán para min o meu pobo.

Xeremías 32:29

Os caldeos que están asediando esta cidade entrarán nela e prenderanlle lume; incendiarán as casas onde, nas terrazas, queimaron incenso en honor de Baal e verteron libacións a deuses alleos para anoxarme a min.

Mateo 24:13

Pero o que persevere ata o final, salvarase.

Lucas 11:28

Pero el replicoulle: Ditosos máis ben os que escoitan a Palabra de Deus e a gardan.

Lucas 6:45

O home bo saca o ben da bondade do seu propio corazón, e o home malo saca o mal da súa maldade, pois do que reborda o corazón fala a boca.

Lucas 8:14

Os das silvas son os que a escoitan; pero por mor das preocupacións, riquezas e praceres da vida, non chega a madurecer.

Lucas 8:16

Agora ben, ninguén acende un candil para cubrilo cunha ola ou para o meter debaixo da cama, senón para poñelo nun candeeiro e alumar así a cantos entren.

Xoán 14:15

Se me amades, gardaredes os meus mandamentos,

Xoán 15:10

Se gardades os meus mandamentos, permaneceredes no meu amor, coma eu gardei os mandamentos de meu Pai, e permanezo no seu amor.

Romanos 2:7

ós que perseveran nas boas obras e buscan a gloria, a honra e a inmortalidade, halles dar vida eterna;

Romanos 6:22

Agora, en troques, liberados do pecado e feitos escravos de Deus, tedes coma froito a santidade e coma fin a vida eterna.

Romanos 7:18

Pois sei que non é o ben o que mora en min, é dicir, na miña condición irredenta, porque o querer está dentro de min, pero o obrar o ben, non.

Romanos 7:4

Así que, meus irmáns, tamén vós quedastes mortos para a Lei mediante o corpo de Cristo, para pertencerdes a outro: a aquel que resucitou dos mortos; de xeito que deamos froitos para Deus.

Romanos 8:25

Pero, se esperamos o que non vemos, demostramos esperar con constancia.

1 Corintios 7:19

Nada vale a circuncisión, nada vale a incircuncisión: o que vale é cumprir os mandamentos.

Efesios 2:8

Porque vos salvaron por graza, mediante a fe; e isto non vén de vós: é don de Deus;

Deuteronomio 30:6

O Señor, o teu Deus, circuncidará o teu corazón e o corazón da túa descendencia, para que ames o Señor, o teu Deus, con todo o teu corazón e con todo o teu ser, a fin de que vivas feliz.

Filipenses 1:11

e cheos do froito da xustiza que se consegue por medio de Xesús Cristo para gloria e loanza de Deus.

Colosenses 1:10

Así daredes coma froitos toda clase de obras boas e medraredes no coñecemento de Deus;

Colosenses 1:6

que chegou ata vós. Tamén entre vós, coma en todo o mundo, o Evanxeo dá froitos e medra desde o día que escoitastes e coñecestes de verdade a graza de Deus,

Hebreos 10:36

Xa que, de feito, cómprevos paciencia para vos conformar coa vontade de Deus e deste xeito conseguir a promesa:

Hebreos 2:1

Por isto temos que poñer toda a atención ó que un día oímos, non sexa que andemos á deriva.

Santiago 1:4

Pero cómpre que a paciencia vaia acompañada de boas obras, de xeito que sexades perfectos e completos sen fallardes en cousa ningunha.

1 Xoán 2:3

Sabemos que o coñecemos de verdade polo feito de que cumprimos cos seus mandamentos.