Lucas 6:23 - Biblia SEPT

²³ Alegrádevos nese día, brincando de gozo, porque grande será a vosa recompensa no ceo, pois así mesmo foi como os pais deles lles fixeron ós profetas.

Lucas 6:23 Iomraidhean Croise

2 Samuel 6:16

Cando a arca do Señor entraba na cidade de David, Micol, filla de Xaúl, axexaba pola fiestra, viu como o rei David ía brincando e danzando diante do Señor e sentiu desprezo por el.

1 Reis 18:4

Ata o punto que, cando Iezabel mataba os profetas do Señor, el colleu a cen deles, escondeunos en covas, en grupos de cincuenta, e leváballes de comer e beber.

1 Reis 19:10

El respondeu: —"Ardo en celos polo Señor, Deus dos exércitos, porque os israelitas abandonaron a túa alianza, derrubaron os teus altares e mataron polo fío da espada os teus profetas. Quedo soamente eu, e búscanme para matarme".

1 Reis 19:14

El respondeu: —"Ardo en celos polo Señor, Deus dos exércitos, porque os israelitas abandonaron a túa alianza, derrubaron os teus altares e mataron por fío de espada os teus profetas. Quedo soamente eu, e búscanme para matarme".

1 Reis 19:2

Ela mandou entón un mensaxeiro, que lle fose dicir a Elías: —"Que os deuses me traten do peor, se mañá destas horas non teño feito contigo o que fixeches ti con eles".

1 Reis 21:20

Acab díxolle a Elías: —"Descubríchesme, meu inimigo". El respondeulle: —"Descubrinte. Xa que te vendiches, facendo o mal ós ollos do Señor,

1 Reis 22:27

e dilles de parte do rei: metede a este na cadea e taxádelle pan e auga, ata que eu volva coa vitoria".

1 Reis 22:8

Respondeulle o rei de Israel: —"Queda aínda un home, polo que se pode consultar o Señor: Miqueas, fillo de Imlah; pero eu aborrézoo, porque nunca me anuncia cousa boa, senón sempre desgrazas". Díxolle Ioxafat: —"Que o rei non fale dese xeito".

2 Reis 6:31

Daquela o rei xurou: —"Que Deus me castigue, se a cabeza de Eliseo, fillo de Xafat, queda hoxe enriba dos seus ombros".

2 Crónicas 36:16

pero eles burlábanse dos mensaxeiros de Deus, ríanse das súas palabras e mofábanse dos profetas, ata que a ira do Señor se acendeu sen remedio contra o seu pobo.

Nehemías 9:26

Pero eles rebeláronse contra ti, rexeitaron a túa Lei, mataron os teus profetas, que os amoestaban a retornar a ti, e fixéronse culpables de grandes ofensas.

Salmos 58:11

Os xustos alegraranse á vista do escarmento e no sangue dos malvados bañarán os seus pés.

Isaías 35:6

Entón o coxo saltará coma un corzo e a lingua do mudo cantará xubilosa. Si, saen á luz augas no deserto e ríos na estepa:

Xeremías 2:30

Estou castigando os vosos fillos en van: non aprenden; a vosa propia espada devorou os vosos profetas Vede que un león devorador vos anda arredor!

Mateo 5:12

Alegrádevos e reloucade, porque grande será a vosa recompensa nos Ceos; do mesmo xeito perseguiron ós profetas anteriores a vós.

Lucas 1:41

E en oíndo Isabel o saúdo de María, o neno brincoulle no ventre. Entón, chea do Espírito Santo,

Lucas 1:44

Pois ó que chegou o teu saúdo ós meus oídos, brincou de alegría a criatura no meu ventre.

Lucas 6:35

Vosoutros non; vós amade os vosos inimigos, facede o ben e emprestade sen esperardes nada a cambio. E así teredes unha gran recompensa e seredes fillos do Altísimo, pois El é bo cos malos e desagradecidos.

Feitos 14:10

díxolle en voz alta: Érguete, e tente dereito sobre os teus pés! El deu un brinco e botou a andar.

Feitos 3:8

dun brinco púxose en pé e camiñaba. Entrou con eles no templo, andando, choutando e loando a Deus.

Feitos 5:41

Eles saíron de diante do consello moi alegres de resultaren dignos de sufrir por mor do Nome;

Romanos 5:3

E non só isto, senón que estamos orgullosos nas tribulacións, sabendo que a tribulación xera a paciencia,

2 Corintios 12:10

E por iso gózome nas fraquezas, nas afrontas, nas necesidades, persecucións e angustias que sufro por Cristo; porque, cando estou débil, entón é cando son poderoso.

Colosenses 1:24

Agora alégrome do que teño que padecer por vós; así completo na miña carne o que lles falta ás penalidades de Cristo polo seu corpo, que é a Igrexa.

2 Timoteo 2:12

Se padecemos con el, tamén reinaremos con el. Se renegamos del, tamén el renegará de nós.

Hebreos 11:26

deste xeito considerou meirande riqueza as aldraxes de Cristo cós tesouros de Exipto, xa que el ollaba a recompensa.

Hebreos 11:6

Pero sen fe é imposible que un lle agrade a Deus, pois quen quere achegarse a Deus precisa crer que El existe e que recompensa os que o buscan.

Santiago 1:2

Cando vos vexades envoltos en diferentes tentacións, meus irmáns, tédevos por moi ditosos,

1 Pedro 4:13

Máis ben alegrádevos, conforme ides tendo parte nos sufrimentos de Cristo, para que deste xeito cando se manifeste a súa gloria poidades tamén alegrarvos xubilosos.

Apocalipse 2:17

Quen teña oídos escoite o que o Espírito lles di ás igrexas. O vencedor heille dar do maná escondido e tamén unha pedriña branca; e escrito na pedriña un nome novo que ninguén coñece, fóra daquel que a recibe.

Apocalipse 2:26

O vencedor, a quen practique ata a fin as miñas obras, heille dar poder sobre os xentís,

Apocalipse 2:7

Quen teña oídos, escoite o que o Espírito lles di ás igrexas. O vencedor heille dar a comer da árbore da vida, que está no xardín de Deus.

Apocalipse 21:7

O vencedor será herdeiro de todo isto. Eu serei para el o seu Deus e el será para min o meu fillo.

Apocalipse 3:12

O vencedor fareino columna do templo do meu Deus e prometo que xa non sairá fóra del; e escribirei nel o nome do meu Deus e o nome da cidade do meu Deus, da nova Xerusalén, a que baixa do ceo, de onda o meu Deus, e escribirei nel o meu nome novo.

Apocalipse 3:5

O vencedor vaise vestir así con vestidos brancos e endexamais non borrarei o seu nome do libro da vida e responderei por el diante do meu Pai e diante dos seus anxos.