Lucas 6:21 - Biblia SEPT

²¹ Ditosos os que agora pasades fame, porque Deus vos fartará. Ditosos os que agora chorades, porque riredes.

Lucas 6:21 Iomraidhean Croise

Xénese 17:17

Abraham prostrouse por terra e sorriu, pensando para si: —"Un home de cen anos terá un fillo, e Sara ós seus noventa parirá!"

Xénese 21:6

Sara dixo daquela: —"Deus fíxome rir de contenta, e todos os que o oian, rirán coma min".

Salmos 107:9

El sacia ós sedentos e farta de bens ós famentos.

Salmos 119:136

Regatos de auga corren dos meus ollos, polos que non gardan a túa lei.

Salmos 143:6

Estendo as mans cara a ti: coma a terra reseca, a miña alma ten sede de ti.

Salmos 17:15

Mais eu verei con felicidade a túa presenza, ó espertar, saciareime de verte.

Salmos 28:7

O Señor é a miña forza e o meu escudo; eu confío nel e axúdame. Alégraseme o corazón e doulle as grazas co meu canto.

Salmos 65:4

Os nosos pecados oprímennos, pero ti perdoas as culpas.

Isaías 25:6

Nesta montaña o Señor dos Exércitos ofreceralles a todos os pobos un banquete de boas talladas, de viños anellos, carnes ben condimentadas, viños refinados.

Isaías 30:19

Ai, pobo de Sión, que habitas en Xerusalén, non chores máis: o seu favor acollerá o teu berro de auxilio; cando El o escoite, responderache;

Isaías 66:10

Alegrádevos con Xerusalén, e brincade de ledicia por ela, todos os que a amades. Exultade con xúbilo con ela todos os que vos enloitastes por causa dela,

Xeremías 13:17

Se non lle facedes caso, eu chorarei ás agachadas, por causa da vosa soberbia correrán as miñas bágoas, bágoas baixarán dos meus ollos, xa que vai cativo o rabaño do Señor.

Xeremías 31:25

Eu saciarei de auga súa gorxa esgotada, encherei toda gorxa esmorecente.

Xeremías 31:9

Velaí, chegarán chorando; pero entre aclamacións de agradecemento, heinos conducir, heinos levar ós regueiros de auga por un camiño seguro onde non han tropezar. Si, volvereime pai de Israel, e Efraím será o meu primoxénito.

Xeremías 9:1

Quen me dera no deserto unha pousada de arrieiros, para deixar o meu pobo e afastarme deles, pois son todos uns adúlteros, unha banda de traidores.

Ezequiel 7:16

Os seus fuxitivos escaparán, estarán nas montañas; coma as pombas no val, todos eles andarán escorrentados, cada un por culpa da súa iniquidade.

Ezequiel 9:4

e díxolle o Señor: Atravesa a cidade, cruza Xerusalén e pon unha marca na fronte dos homes que fan dó e suspiran por causa de todas as abominacións que se cometen no medio dela.

Mateo 5:4

Ditosos os que choran, porque eles serán consolados.

Mateo 5:6

Ditosos os famentos e sedentos de xustiza, porque eles ficarán fartos.

Lucas 1:53

ós famentos éncheos de bens, e ós ricos despídeos baleiros.

Lucas 6:20

Xesús coa mirada posta nos seus discípulos dixo: Ditosos vós os pobres, porque voso é o Reino de Deus.

Lucas 6:22

Ditosos vós, cando vos aborrezan os homes, vos expulsen e vos aldraxen, cando poñan nas listas negras o voso nome por causa do Fillo do Home:

Lucas 6:25

Ai de vós, os que agora estades fartos: xa pasaredes fame! Ai de vós, os que agora rides: xa choraredes e xa laiaredes!

Xoán 11:35

E Xesús botouse a chorar.

Xoán 4:10

Respondeulle Xesús: Se coñecése-lo don de Deus e quen é o que che di "dáme de beber", ti mesma lle pedirías a el e el daríache auga viva.

Xoán 6:35

Xesús respondeulles: Eu son o pan da vida: quen vén onda min, non pasará fame e quen cre en min, endexamais non terá sede.

1 Corintios 4:11

Mesmo na hora presente pasamos fame e sede, e andamos esfarrapados; recibimos malos tratos e non temos acougo.

2 Corintios 11:27

En traballos e canseiras, en abondas noites sen durmir, con fame e sede, a miúdo sen comer, con frío e sen roupa que vestir.

2 Corintios 12:10

E por iso gózome nas fraquezas, nas afrontas, nas necesidades, persecucións e angustias que sufro por Cristo; porque, cando estou débil, entón é cando son poderoso.

2 Corintios 6:10

pasamos por xente triste, e ben alegres que estamos sempre; pasamos por pobres, e mais enriquecemos a moitos; pasamos por xente que non ten nada, e mais témolo todo.

Santiago 1:12

Benia o home que resiste na tentación, porque, como a supere, recibirá o premio da vida, que Deus prometeu ós que o aman.

Apocalipse 21:3

E sentín unha forte voz que desde o trono dicía: "Velaquí a tenda de Deus onda os homes. Acampará entre eles: eles serán o seu pobo e El será o seu Deus e compañeiro.

Apocalipse 7:16

Non terán máis fame nin sede, nin caerá endexamais sobre eles o sol, nin ningunha queimadura del.