Lucas 3:11 - Biblia SEPT

¹¹ El respondíalles: O que teña dúas túnicas, que as reparta con quen non teña ningunha; e que faga o mesmo o que teña que comer.

Lucas 3:11 Iomraidhean Croise

Ezequiel 18:7

se o tal non explota a ninguén, devolve a fianza da súa débeda, non comete roubo, dálle o seu pan ó famento e cobre ó espido con vestidos;

Mateo 25:40

O rei contestaralles: "Asegúrovos que canto fixestes cun destes irmáns meus máis pequenos fixéstelo comigo".

Lucas 11:41

Pois logo, dade en esmolas o que hai dentro, e veredes como tódalas cousas serán limpas para vós.

Lucas 18:22

Oíndo aquilo Xesús díxolle: Aínda che queda unha cousa: vende todo canto tes, e repárteo entre os pobres, e terás un tesouro no ceo; e despois ven e sígueme.

Lucas 19:8

Zaqueo, posto de pé, díxolle ó Señor: Señor, darei a metade de todo canto teño ós pobres e, se algo roubei a alguén, devolvereille catro veces máis.

Xoán 13:29

Algúns coidaban que, ó ter Xudas a bolsa do diñeiro, dicíalle Xesús: "merca o que precisamos para a festa", ou que lles dese algo ós pobres.

Feitos 10:2

Era piadoso e seguidor da relixión xudía, así como todos os da súa casa. Dáballe moitas esmolas ó pobo e decote oraba a Deus.

Feitos 10:31

e dixo: "Cornelio, a túa oración escoitouse, e as túas esmolas recórdanse diante de Deus;

Feitos 10:4

Cheo de medo, e mirando fixo para el, respondeu: Que é, Señor? O anxo respondeulle: As túas oracións e as túas esmolas subiron diante de Deus e tenas presentes;

Efesios 4:28

O que antes roubaba, que non roube máis e que se esforce en traballar honradamente coas súas mans, para poder compartir co necesitado.

1 Timoteo 6:17

Os ricos deste mundo mándalles que non sexan fachendosos, nin poñan a esperanza na riqueza incerta, senón en Deus, que nos dá para gozar de todas as cousas con gran abundancia.

1 Timoteo 6:18

Que fagan o ben, enriquecidos en boas obras, xenerosos en dar e dadivosos cos demais.

Hebreos 6:10

pois Deus non é inxusto como para que lle esqueza o voso traballo e o amor que lle mostrabades cando serviades (e seguides aínda servindo) o seu pobo santo por mor del.

Santiago 1:27

A relixión limpa e sen lixo ningún ós ollos de Deus Pai é esta: mirar polos orfos e polas viúvas nas súas coitas e gardarse da contaminación deste mundo.

Santiago 2:14

Irmáns benqueridos, que proveito lle trae a un dicir que ten fe, se non ten feitos? Acaso o poderá salvar esa fe?

1 Xoán 3:17

Pois como pode estar o amor de Deus naquel que, tendo moitos bens deste mundo e vendo pasar necesidade ó irmán, lle cerra as entrañas?

1 Xoán 4:20

Se un di: "Eu amo a Deus", pero odia a seu irmán, é un mentireiro. Porque quen non ama a seu irmán a quen está vendo, non pode amar a Deus, a quen nunca viu: