Lucas 21:25 - Biblia SEPT

²⁵ Haberá sinais no sol, na lúa e nas estrelas; e na terra as nacións tremerán coa angustia ante o bruar do mar e das ondas;

Lucas 21:25 Iomraidhean Croise

Salmos 46:3

Por iso non tememos, aínda que a terra trema e os montes abalen cara ó mar;

Isaías 13:10

As estrelas do ceo e as constelacións non emitirán a súa luz. O sol unha vez que saia escurecerase, e a lúa non brillará coa súa luz.

Isaías 17:12

Ai! Ruído de pobos numerosos; será coma o ruído dos mares. Retumbar de nacións, coma o retumbar de augas poderosas.

Isaías 24:23

A lúa chea virará rubia de vergonza, e o sol do mediodía quedará branco de estupor. O Señor dos Exércitos reinará no monte de Sión e en Xerusalén: e a gloria aparecerá ante os seus anciáns.

Isaías 5:30

Aquel día o seu salvador ruxirá contra el, sairá de debaixo da terra coma o bruído do mar. Será angustiosa a escuridade: escurecerase a luz coas nubes do inferno.

Isaías 51:15

pois eu son o Señor, o teu Deus, que axito o mar de xeito que braden as súas ondas. —Señor dos Exércitos é o meu nome—.

Xeremías 4:23

Enxergo o país, e vexo un caos, enxergo o ceo, e non ten a súa luz;

Miqueas 7:4

por el a súa bondade dóbrase coma un espiño, a súa rectitude, máis ca unha silveira. O día das sentinelas, o día da túa inspección, xa chegou: Agora será a desolación:

Mateo 24:29

Inmediatamente despois da calamidade daqueles días, o sol hase escurecer, a lúa deixará de aluar, as estrelas caerán do ceo e as potencias celestiais abalarán.

Mateo 27:45

Chegado o mediodía, a escuridade cubriu a terra ata as dúas e pico da tarde.

Marcos 13:24

Pero naqueles días, pasada xa aquela angustia, o sol hase escurecer, a lúa deixará de aluar,

Marcos 13:26

Entón verán vir o Fillo do Home sobre as nubes con grande poder e gloria.

Marcos 15:33

Chegado o mediodía, a escuridade cubriu toda a terra, ata as dúas e pico da tarde.

Lucas 21:24

Caerán baixo a espada, levaranos presos a todos os países do mundo, e os pagáns esmagarán cos pés a Xerusalén, ata que se lles cumpra tamén o tempo ós pagáns.

Lucas 21:26

os homes morrerán cheos de medo e de desacougo, polo que virá enriba do mundo, pois mesmo os astros abalarán.

Feitos 2:19

Farei marabillas, enriba nos ceos, e sinais embaixo na terra: Sangue e lume e bafaradas de fume.

Apocalipse 20:11

Logo vin un gran trono branco e vin quen estaba nel sentado: da súa presenza fuxiron o ceo e a terra e deles non quedou nin rastro.