Lucas 2:4 - Biblia SEPT

⁴ Tamén subiu Xosé desde Galilea, da vila de Nazaret, ata Xudea, á vila de David chamada Belén, pois pertencía á casa e familia de David,

Lucas 2:4 Iomraidhean Croise

Xénese 35:19

Raquel morreu, e enterrárona no camiño de Efrátah, que é Belén.

Xénese 48:7

Cando eu viña de Padán, morreume Raquel, en Canaán, no camiño onde está a tumba cerca de Efrátah. E enterreina alí mesmo, no camiño de Efrátah, que é Belén".

Miqueas 5:2

El seranos conservado para sempre, mentres haxa muller que dea a luz; o resto dos seus irmáns volverá, e serán devoltos os fillos de Israel.

Mateo 1:20

Tal era a súa resolución, cando o anxo do Señor se lle apareceu en soños, dicíndolle: Xosé, fillo de David, non repares en levar contigo a María, a túa prometida; que o que nela se concibiu é obra do Espírito Santo.

Mateo 2:23

indo vivir a unha vila chamada Nazaret. Cumpriuse así o que dixeran os profetas: que se chamaría nazareno.

Lucas 2:3

E todos, en cadansúa cidade, fóronse empadroar.

Lucas 2:5

para empadroarse con María, a súa muller, que estaba embarazada.

Lucas 4:16

Chegou a Nazaret, onde se criara, e o sábado entrou, como estaba afeito, na sinagoga. Ergueuse para facer a lectura,

Xoán 1:46

Contestoulle Natanael: E de Nazaret pode saír algo bo? Filipe díxolle: Ven e verás.

Xoán 7:42

Non di a Escritura que o Mesías ha vir da semente de David, e de Belén, a vila de onde era David?"

RUT - A Biblia Galega (Ed. SEPT) 1:19

E foron as dúas xuntas ata que chegaron a Belén. E aconteceu que, en chegando a Belén, rebuliu toda a vila por mor delas; e dicían: —"E logo non é esta Noemí?"

RUT - A Biblia Galega (Ed. SEPT) 2:4

E velaquí que Boaz chegou de Belén e díxolles ós xornaleiros: —"Que o Señor sexa convosco!" E respondéronlle: —"Que o Señor te bendiga!"

RUT - A Biblia Galega (Ed. SEPT) 4:11

E todo o pobo que estaba á porta, e mais os anciáns, dixeron: —"Testemuñas somos! Que o Señor faga á muller que entre na túa casa semellante a Raquel e mais a Lea, que edificaron elas dúas a casa de Israel! Cobra forza en Efratah; acada renome en Belén!

RUT - A Biblia Galega (Ed. SEPT) 4:17

As veciñas dábanse parabéns e dicían: —"Naceulle un neno a Noemí". E chamáronlle Obed. El foi o pai de Ixaí, pai de David.

1 Samuel 16:1

O Señor faloulle a Samuel: —"Ata cando estarás aflixido por Xaúl, sendo que eu o rexeitei como rei de Israel? Enche o corno de óleo e vaite, de parte miña, onda Ixaí, o de Belén, pois escollín un rei entre os seus fillos".

1 Samuel 16:4

Samuel fixo o que lle mandaba o Señor. O chegar a Belén, os anciáns da cidade saíronlle inquedos ó encontro e preguntáronlle: —"Vés para ben?"

1 Samuel 17:12

David era fillo dun efrateo de Belén de Xudá, que se chamaba Ixaí e que tiña oito fillos. Nos días de Xaúl, ese home era xa vello, moi entrado en anos.

1 Samuel 17:58

Xaúl preguntoulle: —"De quen es fillo, rapaz?" E David respondeulle: —"Do teu servo Ixaí de Belén".

1 Samuel 20:6

Se teu pai me bota de menos, ti diraslle: David pediume permiso para facer unha escapada á súa cidade de Belén, pois a súa familia celebra alí o sacrificio anual.