Lucas 18:16 - Biblia SEPT

¹⁶ Entón Xesús chamounos e dixo: Deixade que os nenos se acheguen a min: non llelo privedes, porque dos que son coma eles é o Reino de Deus.

Lucas 18:16 Iomraidhean Croise

Xénese 21:4

Cando cumpriu oito días, Abraham circuncidou a Isaac, conforme Deus lle mandara.

2 Crónicas 20:13

Todos os xudeus, coas súas mulleres e fillos, incluso os nenos, permanecían de pé ante o Señor.

Xeremías 32:39

Dareilles a mesma mentalidade e o mesmo comportamento, de xeito que me respecten sempre. Que ben será para eles e para os fillos que os sucedan!

Mateo 19:14

Mais Xesús díxolles: Deixade que os nenos se acheguen a min, non llelo privedes, porque deles é o Reino dos Ceos.

Lucas 18:15

E levábanlle tamén os meniños para que os tocase. Pero os discípulos rifábanlles.

Lucas 18:17

Asegúrovos que aquel que non reciba coma un neno o Reino de Deus non entrará nel.

Feitos 2:39

Porque a promesa é para vós e mais para os vosos fillos e para todos os que están lonxe, tantos como queira chamar o Señor noso Deus.

1 Corintios 14:20

Irmáns, non sexades meniños no xuízo, senón só na falta de malicia: no xuízo tedes que ser homes.

1 Corintios 7:14

Pois o home que non cre queda santificado pola súa muller; e a muller que non cre queda santificada polo marido crente. Se non fose así, os vosos fillos serían impuros, cando a verdade é que son santos.

Deuteronomio 29:11

Ti estás aí para entrares na Alianza do Señor, o teu Deus, e no pacto xurado que o Señor, o teu Deus, conclúe contigo hoxe,

Deuteronomio 31:12

Reúne ao pobo, homes, mulleres e rapaces, e ao emigrante que vive dentro das portas das túas cidades, para que escoiten e aprendan a respectar o Señor, o voso Deus, e para que procuren cumprir todos os preceptos desta lei.

1 Pedro 2:2

Coma nenos que acaban de nacer, ansiade o leite puro, o espiritual, que recibistes no bautismo, para medrardes con el en orde á salvación,