Lucas 13:34 - Biblia SEPT

³⁴ Xerusalén, Xerusalén, que asasinas os profetas e apedras os que mandan onda ti! Cantas veces quixen aconchegar os teus fillos, como a galiña aconchega os seus pitiños baixo as ás e non quixeches!

Lucas 13:34 Iomraidhean Croise

Nehemías 9:26

Pero eles rebeláronse contra ti, rexeitaron a túa Lei, mataron os teus profetas, que os amoestaban a retornar a ti, e fixéronse culpables de grandes ofensas.

Nehemías 9:30

Ti soportáchelos durante moitos anos, o teu espírito amoestounos por medio dos profetas, mais eles non fixeron caso. Foi entón cando os entregaches nas mans dos pobos pagáns.

Salmos 149:2

Alégrese Israel co seu facedor e os fillos de Sión relouquen co seu rei.

Salmos 17:8

Gárdame coma á meniña dos teus ollos, escóndeme á sombra das túas ás

Salmos 36:7

A túa xustiza é alta coma os montes, os teus xuízos son fondos coma o mar. Ti, Señor, socorres a homes e animais.

Salmos 57:1

Do mestre do coro, segundo "Non destrúas". Poema de David. Na caverna, fuxindo de Xaúl

Salmos 81:13

E deixeinos á súa teima, que fixesen ó seu xeito.

Salmos 91:4

Cóbrete coas súas plumas, protéxete coas súas ás, escóndete co seu brazo e deféndete.

Isaías 30:15

Porque así fala o meu Señor, Iavé, o Santo de Israel: "Seredes salvados con só sentarvos á espera, a vosa forza está en quedarvos quietos e tranquilos"; pero, non quixestes,

Isaías 50:2

Por que cando eu cheguei non había ninguén e cando chamei ninguén respondeu? Acaso é a miña man demasiado curta para non rescatar? Acaso non hai en min forza para liberar? Cando eu brúo, fago secar o mar, converto os ríos nun deserto, feden os peixes por falta de auga e morren coa sede.

Xeremías 2:30

Estou castigando os vosos fillos en van: non aprenden; a vosa propia espada devorou os vosos profetas Vede que un león devorador vos anda arredor!

Xeremías 26:23

Sacaron a Urías de Exipto e leváronllo ó rei Ioaquim. O rei fíxoo morrer pola espada e botou o seu cadáver na fosa común.

Xeremías 35:14

Eles gardan as palabras de Ionadab, fillo de Recab, quen lles deu ós seus fillos instrucións para que non bebesen viño, e non o beben ata o día de hoxe; eles si que obedecen o mandato de seu pai. Pero a min, aínda que madruguei a dicírvolo e o fixen insistentemente, non me fixestes caso;

Xeremías 35:17

Por iso, así fala o Señor dos Exércitos, o Deus de Israel: "Ollade: vou traer contra Xudá e contra todos os habitantes de Xerusalén a enteira calamidade que lles anunciei, porque lles falei e non escoitaron, berreilles e non me responderon".

Xeremías 6:16

Así fala o Señor: —Mantédevos nos vieiros doutros tempos e observade, consultade as normas antigas: Onde está o Deus do Bo Camiño? Camiñade por el, e deste xeito atoparedes tranquilidade para a vosa vida. Pero eles responderon: "Non queremos camiñar".

Lamentacións 1:16

(Ain) Por isto eu estou chorando, e o meu ollo é unha fonte, porque está lonxe de min o consolador, o que me devolve o alento. Os meus fillos están desolados, porque o inimigo é forte.

Lamentacións 4:13

(Mem) Por causa dos pecados contra os seus profetas, (e) da iniquidade contra os seus sacerdotes, por verteren no medio dela sangue de xustos,

Oseas 11:2

Cando máis os chamaba, máis marchaban de onda min. Ofrecían sacrificios ós Baales, ofrendaban incenso ós ídolos.

Oseas 11:7

E o meu pobo persistirá na súa caída, ó Supremo El invocará e non celebrará ó Deus Único.

Xoel 2:23

Vós, fillos de Sión, brincade de alegría, alegrádevos polo Señor, o voso Deus, pois deuvos a chuvia conforme o seu compromiso, mandouvos chuvia abundante; a temperá e a serodia coma noutros tempos.

Zacarías 1:4

Non sexades coma vosos pais, contra os que os profetas do pasado clamaron dicindo: "Así fala o Señor dos Exércitos: volvédevos dos vosos malos vieiros e das vosas obras ruíns". Pero non me fixeron caso nin me prestaron atención —é o Señor quen fala—.

Mateo 22:3

Mandou os seus criados ir chamar polos convidados á voda, pero estes non querían ir.

Mateo 22:6

Os demais botáronse ós criados, maltratáronos e matáronos.

Lucas 15:28

Entón alporizouse moito, e non quería entrar. Pero o pai, saíndo, intentouno convencer.

Lucas 19:44

Esnaquizarante contra o chan a ti e mais os teus fillos. Non che deixarán pedra sobre pedra, por non recoñecer a oportunidade de cando te visitaron.

Lucas 23:28

Xesús volvéndose a elas, díxolles: Fillas de Xerusalén, non choredes por min: chorade máis ben por vós e polos vosos fillos.

Feitos 7:52

A que profeta non perseguiron vosos pais? Mataron ós que anunciaron por adiantado a vinda do Xusto, do que vós agora vos fixestes traidores e asasinos:

Feitos 7:59

Apedraban a Estevo, que invocaba así: "Señor Xesús, recibe o meu espírito!"

Feitos 8:1

Saulo aprobaba a súa morte. Aquel día levantouse unha grande persecución contra a Igrexa de Xerusalén, e todos, agás os apóstolos, dispersáronse polas terras da Xudea e da Samaría.

Deuteronomio 32:29

Se fosen sabios, comprenderían isto, entenderían cal é o seu porvir:

Deuteronomio 5:29

Quen me dera que tivesen un corazón deste xeito, para respectarme a min sempre e para gardaren todos os meus preceptos, e para deste xeito seren felices sempre, eles e os seus fillos!

Apocalipse 11:8

E os seus cadáveres quedarán na praza da gran cidade, que se chama en linguaxe simbólica Sodoma e Exipto, onde tamén foi crucificado o seu Señor.

RUT - A Biblia Galega (Ed. SEPT) 2:12

Que o Señor bendiga o teu proceder e sexa completo o teu galardón da parte do Señor, Deus de Israel, xa que viñeches ampararte baixo as súas ás".