Lucas 1:32 - Biblia SEPT

³² Será grande e chamarase Fillo do Altísimo, e o Señor Deus daralle o trono de David, seu pai;

Lucas 1:32 Iomraidhean Croise

2 Samuel 7:16

A túa familia e o teu reino permanecerán na miña presenza para sempre, o teu trono manterase firme eternamente".

Salmos 132:11

O Señor xuroulle a David —promesa da que non renega—: —"Prole da túa liñaxe porei sobre o teu trono.

Salmos 132:12

Se teus fillos gardan a miña alianza e este precepto que lles ensino, tamén os fillos deles por sempre sentarán no teu trono".

Isaías 16:5

establecerase un trono de amor e reinará con fidelidade na tenda de David un que xulgue con xusto xuízo e que sexa perito na xustiza.

Xeremías 17:25

entón entrarán polas portas desta cidade os reis e príncipes, que sentan no trono de David, montados en carros e cabalos, acompañados dos seus oficiais, e mais a xente de Xudá e os habitantes de Xerusalén; e esta cidade durará para sempre.

Xeremías 22:2

Dilles: Escoita a palabra do Señor, rei de Xudá, que sentas no trono de David, ti, os teus servidores, e o pobo que entra por estas portas.

Mateo 1:1

Libro da xenealoxía de Xesús Cristo, fillo de David, fillo de Abraham.

Mateo 12:42

A raíña do Sur enfrontarase no Xuízo con esta xeración e fará que a condenen; porque ela veu desde o cabo do mundo para escoitar a sabedoría de Salomón e aquí está quen é máis ca Salomón.

Mateo 28:18

Xesús, achegándose, díxolles: Déuseme todo poder no ceo e mais na terra.

Mateo 3:11

Eu bautízovos con auga para que vos convertades. Pero o que vén detrás miña é máis forte ca min, e nin tan sequera son digno de lle levar as sandalias. El havos bautizar co Espírito Santo e con lume.

Marcos 14:61

Pero el calaba, e non respondeu palabra. De novo lle volveu preguntar o Sumo Sacerdote: Es ti o Mesías, o Fillo do Bendito?

Marcos 5:7

gritando con toda forza: Que teño que ver contigo, Xesús, Fillo do Altísimo? Pídoche por Deus que non me atormentes.

Lucas 1:15

Será grande ante o Señor e non beberá nin viño nin licor. Desde o mesmo ventre da súa nai estará cheo do Espírito Santo.

Lucas 1:35

O anxo replicoulle: O Espírito Santo baixará sobre ti e o poder do Altísimo cubrirate coa súa sombra; por iso o que vai nacer de ti será santo e chamarase Fillo de Deus.

Lucas 1:76

E a ti, meu meniño, hanche chamar profeta do Altísimo, porque irás por diante do Señor, preparando os seus camiños,

Lucas 3:16

pero el declarou diante de todos: Eu bautízovos con auga, pero está a chegar o que é máis forte ca min, e a quen eu non son digno de lle desatar os amallós do seu calzado. El havos bautizar con Espírito Santo e con lume.

Lucas 6:35

Vosoutros non; vós amade os vosos inimigos, facede o ben e emprestade sen esperardes nada a cambio. E así teredes unha gran recompensa e seredes fillos do Altísimo, pois El é bo cos malos e desagradecidos.

Xoán 12:34

Respondeulle entón a xente: Nós coñecemos pola Lei que o Mesías permanece para sempre; como dis ti que ten que ser erguido o Fillo do Home? Quen é ese Fillo do Home?

Xoán 6:69

e nós cremos e recoñecemos que ti es o Santo de Deus.

Feitos 16:17

Seguíanos a Paulo e a nós, berrando: "estes homes son servos do Deus Altísimo, que vos anuncian o camiño da salvación".

Feitos 2:30

Pero, como el era profeta e sabía que Deus lle asegurara con xuramento que un descendente do seu sangue había sentar no seu trono,

Feitos 2:36

Saiba, logo, con certeza toda a casa de Israel que Deus fixo Señor e Mesías a este Xesús a quen vós crucificastes.

Feitos 7:48

Anque o Altísimo non habita en edificios feitos por mans de home; como di o profeta:

Romanos 1:4

pero que polo Espírito santificador foi constituído Fillo de Deus con pleno poder ó ser resucitado dos mortos.

Apocalipse 3:7

Ó anxo da Igrexa de Filadelfia escríbelle: Isto di o Santo, o Verdadeiro, quen ten a chave de David, quen, se el abre, ninguén pecha, e, se el pecha, ninguén abre: