Levítico 26:12 - Biblia SEPT

¹² Andarei entre vós, serei o voso Deus e vós seredes o meu pobo.

Levítico 26:12 Iomraidhean Croise

Xénese 17:7

Establezo a miña alianza, alianza perpetua, contigo e cos teus descendentes, polas xeracións vindeiras. Eu serei o teu Deus e o dos teus descendentes.

Xénese 17:8

Dareiche a ti e a eles, en posesión perpetua, a terra onde habitas, o país de Canaán. Eu serei o teu Deus".

Xénese 3:8

Oíron ó Señor Deus camiñar polo xardín ó aire do día, e acocháronse os dous entre as árbores.

Xénese 5:22

Andou o camiño con Deus. Despois de lle nacer Metuxalén viviu aínda trescentos anos, e tivo outros fillos e fillas.

Xénese 5:24

Andou o camiño con Deus, e logo desapareceu, porque Deus o levou.

Xénese 6:9

Esta é a historia de Noé. Noé era un home xusto, enteiro, entre as xentes do seu tempo. Seguía os camiños de Deus.

2 Samuel 7:7

E en todo o tempo que andei cos israelitas, faleille, acaso, a algún dos xuíces de Israel, ós que mandei que alindasen o meu pobo, de que me edificasen unha casa de cedro?

Salmos 50:7

—"Escoita, meu pobo, que che falo, Israel, que vou declarar contra ti. Eu son Deus, o teu Deus.

Éxodo 29:45

Habitarei no medio de Israel e serei o seu Deus.

Éxodo 29:46

E eles recoñecerán que eu son o Señor, o seu Deus, que os saquei de Exipto e que habito no medio deles. Eu o Señor, o seu Deus.

Éxodo 3:6

E engadiu: —"Eu son o Deus de teu pai, o Deus de Abraham, de Isaac e de Xacob". Moisés tapou a cara, polo medo de ver a Deus.

Éxodo 6:7

Tomareivos coma meu pobo e eu serei o voso Deus. Saberedes que eu son Iavé, o voso Deus, o que vos tirou de debaixo da carga dos exipcios.

Isaías 12:2

Velaí, Deus é a miña salvación, terei confianza, e non medo. El é a miña forza, por isto loareino. Si, o Señor é a miña salvación".

Isaías 41:10

Non teñas medo, que estou contigo; non mires con medo, que eu son o teu Deus. Fortalecinte e axudeite, collinte coa miña destra vitoriosa.

Xeremías 11:4

que eu mandei a vosos pais, o día en que os saquei do país de Exipto, dun forno de fundir ferro, dicíndolles: "Facédelle caso á miña voz, e poñede por obra o que vos indico; conforme a todo o que vos mandei: así seredes para min o meu pobo, e eu serei para vós o voso Deus".

Xeremías 30:22

E deste xeito volveredes ser para min o meu pobo, e eu serei para vós o voso Deus.

Xeremías 31:33

Velaquí o pacto que eu hei pactar coa casa de Israel despois deses días —é o Señor quen fala—: Hei meter a miña lei nas súas entrañas, escribireina nos seus corazóns, serei para eles o seu Deus, e eles serán para min o meu pobo.

Xeremías 32:38

Eles serán o meu pobo e eu serei o seu Deus.

Xeremías 7:23

senón que foi este o precepto que lles impuxen: "Escoitade a miña voz: Eu serei o voso Deus, e vós seredes o meu pobo; camiñade polo vieiro que vos mando, para que vos vaia ben".

Ezequiel 11:20

para que se comporten conforme os meus preceptos, garden os meus mandamentos e os cumpran; eles serán o meu pobo e eu serei o seu Deus.

Ezequiel 36:38

Coma os rabaños do templo, coma os rabaños de Xerusalén na súa asemblea pola festa, así as cidades arruinadas estarán cheas de rabaños humanos. Entón recoñecerán que eu son o Señor.

Xoel 2:27

Entón recoñeceredes que eu estou no medio de Israel. Si, eu, o Señor, o voso Deus, e ninguén máis ca min, e o meu pobo non se avergonzará endexamais.

Zacarías 13:9

A ese terzo fareino pasar polo lume e acrisolareino como se acrisola a prata e probareino como se proba o ouro. El invocará o meu nome e eu escoitareino; direille "ti es o meu pobo" e el dirame "Iavé meu Deus".

Números 5:3

Sexa home ou muller, botádeos fóra do campamento, para que non contaminen o lugar onde moro eu no medio deles".

Mateo 22:32

Eu son o Deus de Abraham, o Deus de Isaac, o Deus de Xacob? Ben, pois El non é Deus dos mortos, senón dos vivos.

2 Corintios 6:16

Que consenso pode haber entre o templo de Deus e mais os ídolos? Nós somos templo de Deus vivo; así o dixo Deus: hei vivir e camiñar con eles; serei o seu Deus e eles serán o meu pobo.

Deuteronomio 23:14

Co teu equipamento terás unha estaca, e cando vaias anicarte para defecar, cavarás con ela, anicaraste e logo taparás o teu excremento,

Deuteronomio 23:15

pois o Señor, o teu Deus, anda camiñando polo medio do teu campamento, para salvarte e para entregarche á túa disposición os teus inimigos. Por isto o teu campamento estará consagrado, de xeito que o Señor non vexa en ti cousa de que avergoñarse, e non deixe de seguir estando detrás de ti.

Hebreos 11:16

Pero máis ben suspiraban por outra patria mellor: a celestial. Por iso Deus non se avergonza de que o chamen o seu Deus, xa que lles preparou unha cidade.

Apocalipse 2:1

Ó anxo da Igrexa de Éfeso escríbelle: Isto di quen apreixa coa súa dereita as sete estrelas, quen pasea entre os sete candelabros de ouro.

Apocalipse 21:7

O vencedor será herdeiro de todo isto. Eu serei para el o seu Deus e el será para min o meu fillo.