Levítico 21:5 - Biblia SEPT

⁵ Non raparán a cabeza, nin afeitarán a barba polos lados, nin farán incisións no seu corpo.

Levítico 21:5 Iomraidhean Croise

Isaías 15:2

Subiu ó templo, a Dibón; ós santuarios dos outeiros para chorar, no alto do Nebó e de Medebá Moab xeme, con todas as cabezas rapadas e todas as barbas afeitadas.

Isaías 22:12

No día aquel o meu Señor, Deus de Israel, fixo unha chamada ó pranto e á lamentación, a raparse e vestirse de saco.

Xeremías 16:6

Morrerán grandes e pequenos neste país, non se enterrarán nin se fará dó por eles, non se farán incisións nin raparán o pelo por eles.

Xeremías 48:37

Velaí toda cabeza pelada; e toda barba rapada; en todas as mans incisións; e sobre os riles os sacos;

Ezequiel 44:20

Non raparán a súa cabeza, nin andarán guedelludos; cortarán decentemente o seu cabelo.

Ezequiel 5:1

—E ti, fillo de Adam, colle unha coitela ben afiada, colle unha navalla barbeira, e pásaa pola túa cabeza e máis pola túa barba. Despois colle unha balanza de pesar e distribúe o pelo en partes.

Levítico 10:6

Díxolles Moisés a Aharón, a Elazar e a Itamar, seus fillos: —"Non despeiteedes os vosos cabelos nin rachedes os vosos vestidos, pois non morreredes nin se acenderá a ira do Señor contra a comunidade. Os vosos irmáns e toda a casa de Israel chorarán por causa do incendio que xurdiu diante do Señor.

Levítico 21:4

Un marido non se poderá facer impuro por mor dos seus parentes, profanándose.

Amós 8:10

trocarei as vosas festas en loito; todas as vosas cántigas en laios; cinguirei todos os lombos de saco, deixarei toda cabeza rapada, vouno dispor coma o pranto polo vinculeiro e o remate vai ser coma o dun día amargado.

Miqueas 1:16

Corta e arrinca o cabelo polos fillos dos teus praceres, agranda a túa calva coma a do voitre, xa que eles van ó desterro lonxe de ti.

Deuteronomio 14:1

Fillos sodes vós do Señor, o voso Deus. Non vos fagades incisión, non fagades rapado entre os vosos ollos por quen morre,